Ibn Quzmán

De Biquipedia
Ir a la navegación Ir a la búsqueda
Muhammad ibn Abd al-Malik ibn Quzman
Información personal
Calendata de naixencia enta 1078
Puesto de naixencia Cordoba (Espanya)
Calendata de muerte 1160
Puesto de muerte Cordoba (Espanya)
Ocupación poeta
Obras Diwan (Cancionero)

Muhammad ibn Abd al-Malik ibn Quzmán (en árabe, محمد بن عبد الملك بن قزمان), más conoixiu simplament como Ibn Quzmán u Ibn Quzmán (ابن قزمان) y, por hispanización, Abén u Abán Quzmán, fue un famoso poeta andalusí, naixiu de Cordoba (Espanya) enta l'anyo 1078 y muerto en a mesma ciudat en 1160.
Conoixiu por os suyos peculiars zachals escritos en arabe andalusí.[1][2]

O esencial d'a suya obra se conserva en un unico codice, que fue discubierto en Sant Petersburgo a finals d'o sieglo XIX: o Cancionero u Diwan (antolochía poetica). Ista ye una obra orichinal tanto por a forma, o zachal, escrito en dialecto local, como por os temas, en os quals a sobén reinterpreta somardament topicos d'a poesía arabe clasica. Cal dezir que Ibn Quzmán conoixeba bien a poesía arabe clasica d'autors celebres como Abu Tammam, Al-Mutanabbi, Du r-Rumma, etc.

O Diwan[editar | editar código]

Se piensa que Ibn Quzmán fue o primer gran escritor que emplegó lo zachal, inventau por o zaragozano Avempace, y le dio forma definitiva, escoscando-lo d'as imperfeccions que teneba. O suyo Diwan u Cancionero contiene 149 zachals. Adedicó buena parte de zachals a describir as suyas relacions con mesaches chóbens, as fiestas ta las que gosaba ir u los balles e instrumentos musicals bi emplegaus. Tamién fabla d'él mesmo y fa, como otros poetas, elochio d'as personas que le protechen.

Referencias[editar | editar código]

  1. Josef W. Meri, Medieval Islamic Civilization: An Encyclopedia, Routledge, 2005, p.365
  2. Gorton, T.J., "The Metre of IbnQuzman: a "Classical"Approach", Journal of Arabic Literature, 6 (1975), pp. 1-29