Iberus gualtieranus alonensis

De Biquipedia
Ir a la navegación Ir a la búsqueda
Iberus gualterianus alonensis
Vaqueta
exemplar d'Iberus gualterianus alonensis (Vaqueta)
Clasificación scientifica
Dominio: Eukaryota
Reino: Animalia
Filo: Mollusca
Clase: Gasteropoda
Orden: Pulmonata
Familia: Helicidae
Chenero: Iberus
Montfort, 1810
Especie: I. gualterianus
Subespecie: I. g. alonensis
Nomenclatura binominal
Iberus gualterianus alonensis
Ferussac

Iberus gualterianus alonensis ye un caracol de zonas petrosas semiaridas con matical mediterranio de l'este d'a Peninsula Iberica, d'on ye endemico.

Caracteristicas[editar | editar código]

Zaguera vuelta redondeyata, por dencima tien un reticulato fino. O estoma tien marguins muito deseparatas, o peristoma ye feblement examplato. O melico ye zarrato de tot.

Habitat[editar | editar código]

O suyo habitat son as sierras mediterranias calsinosas, sobretot en zonas petrosas con poca vechetación. Se troba por o sudeste d'Espanya, y amés de zonas de zonas d'o quadrant noreste plegando dica os Monegros.

Gastronomía[editar | editar código]

A vaqueta se mincha en a Val de l'Ebro y País Valencián. A suya recolección yera abusiva y no yera regulata dica fa poco tiempo. Tampoco ye regulato o trafico d'esta especie. En o País Valencián ye especie protechita. Por minchar arbustos baixos mediterranios (tremonciello, romero, espligo), tien un sabor diferent a atros caracols y li da a la paella valenciana un sabor especial.[1] En a zona de Los Puertos de Moriella y d'o Mayestrato de Castellón se minchan fritas con aceite y acompanyatas con cordero u conillo.[2][3]

Referencias[editar | editar código]

  1. Caracoles terrestre - Gastronomía
  2. "Morella", guia editata por o Concello de Moriella, 2004.
  3. Citación de Giorgio della Roca d'o suyo libro "Viajar y comer por el Maestrazgo" (1985): Fernández González, Vidal Javier, pp50 "La Balma de Zorita" publicato por a Diputación de Castellón en Castellón de la Plana, 2005.

Bibliografía[editar | editar código]