Hypericum perforatum

*Hypericum perforatum*
Flors de pericón (Hypericum perforatum).
Denominacions populars
pericón, ipericón, picón, periqueta, pata de cristo, pergameno, trescalar
Clasificación cientifica
Dominio:	Eukaryota
Reino:	Plantae
Orden:	Malpighiales
Familia:	Hypericaceae
Chenero:	Hypericum
Especie:	H. perforatum
Descripción
*Hypericum perforatum* Linnaeus, 1753

O pericón^[1]^[2] (nombre cientifico Hypericum perforatum (Linnaeus, 1753)^[3]) ye una especie de planta d'a orden d'os Malpighiales y familia Hypericaceae que ye posiblement un hibrido entre Hypericum maculatum y Hypericum attenuatum y que se puede trobar en arias templadas d'Eurasia y s'ha introduciu como broza invasora en gran parti d'America d'o Norte y d'o Sud, asinas como en Sudafrica y Australia. Si bien a especie ye nociva pa lo bestiar y puede interferir con as medecinas recetadas, s'ha emplegau en a medicina popular mientres sieglos y sigue cautivando-se comercialment en o sieglo XXI. A hiperforina, un constituyent fitoquimico d'a especie, ye baixo investigación basica per as suyas posibles propiedaz biolochicas.

Nombres

Se conoixe prencipalment como pericón^[4], rechistrando-se ista denominación en as comarcas de Sobrarbe y Sarrablo y en as Chistau y Barrabés, asinas como en as localidaz d'Acumuer, l'Aínsa, Benás, Cofita, Gabás, Guaso, Fanlo y Solipueyo. A variant ipericón^[4] ye rechistrada en a redolada de Turbón, asinas como en Torrociella d'Alcanyiz. Se diz picón^[1]^[4] en Estadilla y periqueta^[1]^[4] en Sobrarbe.

Atras denominacions pa ista planta son pata de cristo^[1]^[4], rechistrada en Salas Altas, trescalar^[1] y pergameno^[1].

Especies d'o chenero Hypericum
H.aegypticum \| H.androsaemum \| H.balearicum \| H.bellum \| H.calycinum \| H.elodes \| H.forrestii \| H.kalmianum \| H.kouytchense \| H.olympicum \| H.perforatum