Hora
Un hora[1] (d'o latín hora) ye una unidat de tiempo que se corresponde con a vinticuatrena parti d'un día solar meyo.[2]
S'emplega pa o tiempo civil y ye formada por 60 minutos u 3600 segundos, encara que chicotas irregularidaz en a rotación d'a Tierra fan que siga menester fer achustes. Ya que dende 1967 o segundo se mide a partir de propiedaz atomicas muit precisas, pa mantener os stándards de tiempo amanaus a o día solar meyo se fan servir segundos intercalars.
Un reloch tien 2 u 3 sayetas: o segundero (a sayeta d'os segundos) fa 1 revolución en 1 minuto, o minutero (a sayeta gran) fa 1 revolución en 1 hora (60 min) y as horas (a sayeta chicota) 1 vuelta en 12 horas.
Exprisions relacionadas con a hora
[editar | modificar o codigo]- A l'atra hora: muit tarde.[1][nota 1]
- A horas mil: tarde de nueits.[1]
- Bien d'hora: puntualment; bien luego.[1]
- D'hora: luego.[1]
- De la hora ansá: ya fa rato.[1][nota 2]
- De tota hora: siempre.[1][nota 3]
- En malhora: mal inte.[1]
- Fer hora: asperar.[1]
- Hora colada: bels minutos pasaus d'a hora exacta.[1]
- Hora guallarda: mas d'una hora.[1]
- Hora horada: hora exacta.[1][nota 4]
- Hora de marras: tarde de nueits.[1]
- Pasau hora: tarde de nueits.[1][nota 5]
Notas
[editar | modificar o codigo]Referencias
[editar | modificar o codigo]- 1 2 3 4 5 6 7 8 9 10 11 12 13 14 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (es) Magnitudes, Dimensiones y Conversiones de unidades. Equinoccio. ISBN 978-980-237-119-8.
