High Crimes

Iste articlo ye sobre una cinta de cine de drama d'intriga chudicial estausunidense estrenada en 2002; ta atros usos, se veiga High Crimes (desambigación).

High Crimes
Títol	High Crimes
Póster d'a cinta.
Ficha tecnica
Dirección	Carl Franklin
Dirección artistica	Gary Kosko
Producción	Arnon Milchan Janet Yang Jesse B'Franklin
Disenyo de producción	Paul Peters
Guión adaptau	Yuri Zeltser Grace Cary Bickley
Basau en	High Crimes, novela de Joseph Finder (1998)
Musica	Graeme Revell
Fotografía	Theo van de Sande
Montache	Carole Kravetz-Aykanian
Escenografía	Kathryn Peters
Vestuario	Sharen Davis
Casting	Mali Finn
Actors	Ashley Judd Morgan Freeman Jim Caviezel Amanda Peet Adam Scott Bruce Davison Tom Bower Michael Gaston Jude Ciccolella Juan Carlos Hernández Michael Shannon Emilio Rivera John Billingsley Dendrie Taylor Paula Jai Parker Dawn Hudson
Color	Color by DeLuxe Panavision
Datos y cifras
País(es)	Estaus Unius
Anyo	2002
Estreno	3 d'abril de 2002 Estaus Unius
Chenero(s)	Cine de drama Cine d'intriga Cine de chudicios
Durada	115 min.
Idioma(s)	Anglés Castellano
Companyías
Productora(s)	Regency Enterprises New Regency Manifest Film Company Monarch Pictures
Distribución	20th Century Fox
Presupuesto	42 millons de dólars
Recauto	63,8 millons de dólars
Informacions en bases de datos especializadas:

High Crimes (títol orichinal en anglés, en aragonés Crimens capitals, estrenada en Aragón con o títol en castellano de Toda la verdad, en aragonés Toda la verdat) ye una cinta de cine estausunidense de cine de drama d'intriga chudicial estrenada l'anyo 2002, dirichida por Carl Franklin seguntes un guión adaptau por Yuri Zeltser y Grace Cary Bickley (basau en High Crimes, una novela publicada por Joseph Finder en 1998), con una banda sonora orichinal de Graeme Revell, una dirección de fotografía de Theo van de Sande, una producción cinematografica d'Arnon Milchan, Janet Yang y Jesse B'Franklin ta las productoras Regency Enterprises, New Regency, Manifest Film Company y Monarch Pictures y un elenco d'o cual en fan parte, entre d'atros actors, Ashley Judd, Morgan Freeman, Jim Caviezel, Amanda Peet, Adam Scott, Bruce Davison, Tom Bower, Michael Gaston, Jude Ciccolella, Juan Carlos Hernández, Michael Shannon, Emilio Rivera, John Billingsley, Dendrie Taylor, Paula Jai Parker y Dawn Hudson.

Claire Kubik ye una avogada que vive en una ciudat de California con su mariu, Tom. Bel día, mientres un viache enta San Francisco a Policía l'arresta. O Federal Bureau of Investigation l'acusa de deserción pero tamién de l'asasinato en 1988 de nueu civis desarmaus en un lugarón d'El Salvador. Claire descubre que su mariu se clama en realidat Ronald Chapman, que ye sarchento d'o United States Marine Corps y que yera especialista en operacions encubiertas. Tom admite que heba estau present en ixos feitos pero que qui asasinó a los civils estió James Hernandez, que aora ye comandant y aduyant d'o cheneral Bill Marks, que ye qui yera a lo cudiau d'a operación en El Salvador. Claire y Tom creyen que tot ye una operación ta salvar a Hernandez. En precipiar o chudicio se fa evident a situació d'inferioridat de Tom: o suyo avogau, o tenient Terence Embry, ye un choven sin experiencia pero lo fiscal ye bien experto y lo chuez limita de contino las iniciativas d'a defensa.Bien preocupada, Claire opta por contractar a Charlie Grimes, un antigo avogau militar con muita experiencia pero que albandonó la suya carrera por problemas con l'alcol. Contra mas abanza lo proceso, mas incongruencias en o caso troban os avogaus de Tom. Finalment, un salvadorenyo contacta con Claire y li explica que en realidat ixa operación encubierta no feba so que amagar un error d'os militars estausunidenses que en asasinar a un dirichent revolucionario salvadorenyo heban asasinau tamién a estudiants estausunidenses. En conseguir prebas que implican a Hernandez en os feitos, finalment consiguen que lo Gubierno retire l'acusación. Tanimientres, Grimes ha continau investigando y ha trobau nuevas informacions ta comunicar a Claire.

A cinta s'ambienta en dos mmentos historicos diferents: en 1988 en El Salvador y en a suya epoca actual (2002) en Los Angeles, San Francisco y atros puestos de California. As suyas escenas se filmoron en Alameda, Burbank, Los Angeles, Oakland y San Francisco (California) en os Estaus Unius y en Bavispe (Sonora) y Ciudat de Mexico en Mexico.

Se tracta d'una cinta que ha recibiu bels premios y nominacions, encara que garra d'éls no perteneixe a los premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 2002.
• Cintas de 2002.

Vinclos externos

• (en) High Crimes en Internet Movie Database.

• Datos: Q1111969