Herbert Marcuse

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Herbert Marcuse
O filosofo y sociologo estausunidense Herbert Marcuse, en una imachen de 1955.
Información personal
Calendata de naixencia	19 de chulio de 1898
Puesto de naixencia	Berlín (Imperio Alemán, hue Alemanya)
Calendata de muerte	29 de chulio de 1979
Puesto de muerte	Starnberg (Bavera, Alemanya Occidental, hue Alemanya)
Ocupación	Filosofo y sociologo

Herbert Marcuse, naixito de Berlín (Imperio Alemán, hue Alemanya) o 19 de chulio de 1898 y muerto en Starnberg (Bavera, Alemanya Occidental, hue Alemanya) o 29 de chulio de 1979, estió un filosofo y sociologo estausunidense d'orichen chodigo-alemán, qui estió (con Erich Fromm y Theodor W. Adorno) uno d'os prencipals representants d'a dita Escuela de Fráncfort mientres a Republica de Weimar.

Ideyolochicament, yera de cuchas, estando en primerías melitant d'o Sozialdemokratische Partei Deutschlands dica l'asesinato de Rosa Luxemburgo en 1919, quan l'albandonó t'adhibir-se a o Spartakus Bund. Quan Adolf Hitler establió o Tercer Reich mientres os anyos 1930 se tresladó enta os Estaus Unius, esdevenindo ciudadán estausunidense en os anyos 1940 ta desembolicar ya ta cutío a suya carrera en iste país, treballando mientres a Segunda Guerra Mundial ta os servicios secretos estausunidenses (Office of Strategic Services, l'achencia federal antecedent d'a Central Intelligence Agency) en l'analís d'as informacions recullitas en l'Alemanya nazi.

Dende os anyos 1950 colaboró en as prencipals universidatz estausunidenses, esdevenindo mientres os anyos 1970 uno d'os prencipals teoricos d'o marxismo, estando a más uno d'os referents d'o movimiento hippie.

Vinclos externos

• Se veigan as imáchens de Commons sobre Herbert Marcuse.