Herbert Jamison

Herbert Jamison
Información personal
Naixencia	17 de setiembre de 1875 Peoria, Illinois, Estaus Unius
Muerte	22 de chunio de 1938 Peoria, Illinois, Estaus Unius
Esporte	Atletismo
Disciplina	Prebas de velocidat
Chuegos Olimpicos
Archent	Atenas 1896	400 metros

Herbert Brotherson Jamison, mas conoixiu como Herbert Jamison, naixiu de Peoria, Illinois lo 17 de setiembre de 1875 y muerto en o mesmo puesto lo 22 de chunio de 1938, estió un atleta estadounidense que compitió en os Chuegos Olimpicos d'Atenas de 1896 en a preba de 400 metros lisos.

Jamison yera un velocista regulero y no podió partecipar en os Chuegos Olimpicos en a suya millor preba, os 200 metros lisos, porque no yera en o programa olimpico d'atletismo, por lo que tenió que partecipar en 400 metros lisos en a que obtenió la medalla de plata. Ganó la suya serie de clasificación preliminar con récord olimpico con un tiempo de 56,8 segundos, lo cual le clasificó pa la final. En esta amilloró lo suyo tiempo dica aconseguir rematar la cursa en 55,2 segundos, feito que no sirvió pa bater a lo suyo compatriota Tom Burke, ganador d'a final con 54,2 segundos y superando tamién o suyo récord olimpico.

En 1897 Jamison se graduó en a Universidat de Princeton y s'incorporó a lo negocio familiar de productos pa l'agricultura. Siet anyos mas tarde fundó una achencia de seguranza en o suya ciudat natal, en a cuala remanió dica la suya muerte.