Ir al contenido

Henry Ford

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
Henry Martin Ford
Información personal
Calendata de naixencia 30 de chulio de 1863
Puesto de naixencia Dearborn, Michigan
Calendata de muerte 7 d'abril de 1947
Puesto de muerte Detroit, Michigan
Ocupación Inventor y empresario.
Fillos Edsel Bryant Ford

Henry Martin Ford (Dearborn, Michigan, 30 de chulio de 1863 - Detroit, Michigan, 7 d'abril de 1947) estió un empresario, inventor estausunidense, establidor d'a companyía Ford Motor Company y piloto de cursas d'automovils. Ye famoso por a utilización d'as cadenas de producción mudernas emplegatas pa la producción en masa, d'as cualas erroniament se li atribuye la invención. Ford aplicó y milloró o desembolique que fació Ransom Eli Olds d'as ideas teoricas d'o taylorismo, que yera un metodo de producción que aplicaba ideyas cientificas a la producción.

A fabricación y introducción d'o suyo primer automovil de exito, o Ford T, en o mercato automobilistico estió una revolución en o transporte y en a industria d'os Estaus Unius.

A lo mesmo tiempo que estió un empresario de exito tamién estió una persona extremadament racista, antisemita y supremacista blanco. Las suyas ideyas inspiroron a a Adolf Hitler y lo desembolique d'o nazismo, Hitler yera un admirador d'as ideyas d'odio racial, economicas y intepresarials que expresaba Henry Ford y las aplicó pa la industria alemana y la creyación de interpresas como Volkswagen.[1][2] En l'anyo 1938 recibió la Grosskreuz des Órdens vom Deutsche Adler, la mas alta condecoración que atorgaba lo gubierno nazi a un estranchero.[3]

Dimpués d'a suya muerte Ford deixó una parte muit gran d'a suya fortuna ta a Ford Foundation.

A Ford Foundation[editar | modificar o codigo]

Henry Ford creó chunto a o suyo fillo, Edsel, la Ford Foundation en l'anyo 1936 con l'amplio obchectivo de promocionar o buen pasar d'a chent. Ford dividió lo suyo capital en un chicot numero d'accions con dreito a voto, que repartió entre a suya familia, y un gran numero d'accions sin dreito a voto que dió a la Fundación, que creixió immensament y, pa 1950, ya teneba un ambito internacional. Gradualment se fueron vendendo todas as suyas accions en o mercau dende l'anyo 1955 dica 1974,[4] y perdió su connexión con la Ford Motor Company y la familia Ford.[5]

En l'actualidad con excepción d'o suyo nombre, a Ford Foundation no tiene garra connexión con a Ford Motor Company ni con a familia Ford dende fa mas de trenta anyos dende que Henry Ford II, renunció a la directiva d'a fundación en 1976. En l'actualidat lo solo miembro d'a familia Ford que forma parte d'a chunta directiva ye Henry Ford III.[6]

Ford T Touring 40 H.P. 3295 cc de 1923.

Bibliografía[editar | modificar o codigo]

Referencias[editar | modificar o codigo]

  1. Elinor Slater y Robert Slater (1999): Great Moments in Jewish History. Jonathan David Company, Inc., ISBN 0-8246-0408-3, p. 190.
  2. Vincent Curcio (2001): Chrysler: The Life and Times of an Automotive Genius. Nueva York: Oxford University Press. ISBN 0-19-514705-7, p. 211.
  3. HENRY FORD: AMIGO DE LOS NAZIS Y ANTISEMITA.
  4. "Historia de la Fundación Ford". http://www.fordfound.org/about/history.cfm. 
  5. FAQ, Fundación Ford.
  6. "Board of trustees". https://www.fordfoundation.org/about/people/board-of-trustees/. Retrieved 21 de junio de 2022. 

Vinclos externos[editar | modificar o codigo]