Hell and High Water (cinta de 1954)

Iste articlo ye sobre una cinta de cine estausunidense de cine de drama d'aventuras belicas estrenada en 1954; ta atros usos, se veiga Hell and High Water y Hell and High Water (cinta).

Hell and High Water
Títol	Hell and High Water
Ficha tecnica
Dirección	Samuel Fuller
Aduyant de dirección	Ad Schaumer
Dirección artistica	Leland Fuller Lyle R. Wheeler
Producción	Raymond A. Klune
Guión adaptau	Jesse L. Lasky, Jr. Samuel Fuller
Basau en	una historia de David Hempstead
Musica	Alfred Newman
Soniu	Eugene Grossman Roger Heman Sr. Wayne Fury Kenneth Honnold
Fotografía	Joseph MacDonald
Montache	James B. Clark
Escenografía	Stuart A. Reiss Walter M. Scott
Vestuario	Travilla
Maquillache	Ben Nye
Efectos especials	Ray Kellogg
Actors	Richard Widmark Bella Darvi Victor Francen Cameron Mitchell Gene Evans David Wayne Stephen Bekassy Richard Loo Henry Kulky Wong Artarne
Color	Technicolor Cinemascope
Datos y cifras
País(es)	Estau Unius
Anyo	1954
Estreno	1 de febrero de 1954 Nueva York (Nueva York, Estaus Unius)
Chenero(s)	Cine de drama Cine d'aventuras Cine belico
Durada	103 min.
Idioma(s)	Anglés Francés Italiano Alemán
Companyías
Productora(s)	20th Century Fox
Distribución	20th Century Fox
Presupuesto	1.870.000 dólars
Recauto	2.700.000 dólars
Informacions en bases de datos especializadas:

Hell and High Water (títol orichinal en anglés, en aragonés Infierno y marea alta, estrenada en Aragón con o títol en castellano de El diablo de las aguas turbias, en aragonés O diaple d'as auguas moscanas) ye una cinta de cine estausunidense de cine de drama d'aventuras belicas estrenada l'anyo 1954, dirichida por Samuel Fuller seguntes un guión adaptau por Jesse L. Lasky, Jr. y lo mesmo Samuel Fuller (basau en una historia de David Hempstead), con una banda sonora orichinal d'Alfred Newman, una dirección de fotografía de Joseph MacDonald y una producción cinematografica de Raymond A. Klune ta la productora cinematografica 20th Century Fox. Fan parte de l'elenco d'actors d'a cinta, entre d'atros, Richard Widmark, Bella Darvi, Victor Francen, Cameron Mitchell, Gene Evans, David Wayne, Stephen Bekassy, Richard Loo, Henry Kulky y Wong Artarne.

En 1953 s'escayece la explosión d'una bomba atomica en l'oceano Glacial Arctico, a lo norte de Chapón y amán d'o Cerclo Polar Arctico. Cuan desapareixe lo profesor Montel, un reputau cientifico francés y atros cuatre cientificos mas, se sospeita que han desertau enta la Unión Sovietica. Bien luego Adam Jones recibe un paquet con 5.000 dólars y la instrucción de marchar enta Tokio. Setracta d'un antigo capitán mientres a Segunda Guerra Mundial d'un submarino estausunidense y cuan plega en ixa ciudat chaponesa troba a lo profesor Montel, qui li explica que fa parte d'un grupo de cientificos y politicos de países occidentals que creyen que China ha construyiu secretament a lo norte de Chapón una base militar a on son desembolicando una bomba atomica chinesa. Como amenistan prebas d'ixo, li ufren a Jones 45.000 dólars mas si accvepta mandar un antigo submarino chaponés ta investigar en ixa redolada, seguindo a un barco chinés, lo Kiang Ching, que ha estau fendo viaches sospeitosos enta ixos lugars. Iste accepta, encara que demana condicions: que en o viache i partecipe una part d'a suya antiga tripulación, en os cuals tien plena confianza. Cuan marchan, a lo profesor Montel l'acompanya la suya aduyant, a profesora Denise Gerard y ixo chenera suspicacia d'os mariners, que creyen que una muller en un barco traye mala suerte. Cuan avisan que lo barco chinés que han de seguir ha marchau d'o puerto, se veyen obligaus a seguir-lo, encara que lo submarino chaponés que han de fer servir encara ni tien adaptaus os suyos tubos lanzatorpedos, y cuan los detecta y los ataca un submarino chinés no pueden responder a l'ataque y han de submerchirse dica lo fundo y asperar. Tanimientres, finalment consiguen fundir a lo submarino chinés y localizan una isla a on se i puede trobar a base que buscan. Finalment descubren que un Tupolev Tu-4 chinés con marcas estausunidenses tien previsto lanzar una bomba atomica sobre Corea, incident d'o cual culparán a los Estaus Unius.

A cinta s'ambienta en a suya epoca actual (1954) mientres a Guerra Fría en Tokio (Chapón) y en os oceanos Glacial Arctico y Pacifico, y las suyas escenas se filmoron en París (Isla de Francia) y Orly (Val d'o Marne) en Francia

Ye una cinta que ha recibiu bels premios y nominacions, en destacando una nominación a los Premios Oscar (Millors Efectos Especials) en a suya 27^ena edición.

Elenco

Actor	Papel	Notas
	'

Se veiga tamién

• Cine en 1954.
• Cintas de 1954.

Vinclos externos

• (en) Hell and High Water en Internet Movie Database.
• (en) Hell and High Water en TCM Movie.
• (en) Hell and High Water en l'American Film Institute Catalog de l'American Film Institute.

• Datos: Q3180788