Hato de Foces

Hato de Foces ye un grupo de musica folk aragonesa de Uesca.

Historia

Encara que estió en 1977 quan bells amigos aimants d'a musica tradicional empecipioron a arroclar-sen ta cantar y interpretar cantas de grupos como Nuestro Pequeño Mundo, Nuevo Mester de Juglaría, Oskorri, Jarcha, La Bullonera, etc... grupos que estioron referents ta "Hato de Foces", no ye que dica 1981, dimpués d'un exitoso concierto, que o suyo treballo esdeviene cutiano. Ye allora quan o grupo se dedica a rechirar y espardir a musica tradicional aragonesa, tanto vocal como instrumental, buscando en os cancioneros u recullindo cantas por tradición oral. Ye asinas como fan rebilcar viellas cantas populars en o rafe d'a desaparición, remontando, decamín, instrumentos como a gaita de boto aragonesa. D'atro costau, han gosato permanixer en a vanguardia d'a musica tradicional, y no solo que en Aragón, esviellando cutianament tota ixa musica por ells recullita.

Hato de Foces prene o nombre d'un puesto d'o Semontano an que os pastors, en fer-se de nueit, se'n i reculliban con as suyas uellas.

O disco Hato de Foces (1999) ye dedicato a Rafael Andolz.

O grupo deixa os scenarios o 8 d'agosto de 2011 dimpués de mas de 35 anyos de treballo y d'haber feito 550 conciertos.

Premios

Premio Nacional de Actualización de Música Folk, Guadalajara (1987)
Grupo Folk mas votato por os oyents de Radio Nacional de España (1989)
Medalla d'Antena 3 (1985)
Folklorista Altoaragonés (1983, 1984 y 1986)
Grupo mas votato por os oyents d'o programa Trébede de RNE - Radio 3
Premio Parrilla de Oro, Uesca 2009

Components

Marise Aguilar (voz)
Alfredo Callén García (baixo y voz)
Salvador Cored (gaitas de boto, flauta travesera, mandolina , bandurria, laút y guitarra)
Jorge Marsó (batería y percusión)
Carlos Montull (guitarra , laút )
José Luis Ochoa Hortelano (voz, laúd, guitarrico y flautas de pico, entre atros instrumentos).
Olga Orús (voz)
Josu Ubierna (acordión)

Discografía

Amadruga (1983)
En plena calle (1985)
Tradición y fiesta (1986)
Cuarto creciente (1989)
Cantar de camino (1992)
Hato de Foces (1999)
Errekeerre (2002)
Estrella de Paz (2002)
Chino Chano (2006)

Vinclos externos