Hannibal (cinta de 2001)

Iste articlo ye sobre una cinta estausunidense estrenada en l'anyo 2001; ta atros usos, se veiga Hannibal.

Hannibal
Títol	Hannibal
Póster d'a cinta.
Ficha tecnica
Dirección	Ridley Scott
Aduyant de dirección	Alessandro Panza
Dirección artistica	David Crank
Producción	Dino De Laurentiis Martha De Laurentiis Ridley Scott
Disenyo de producción	Norris Spencer
Guión adaptau	David Mamet Steven Zaillian
Basau en	Hannibal, novela de Thomas Harris (1999)
Musica	Hans Zimmer
Fotografía	John Mathieson
Montache	Pietro Scalia
Escenografía	Marco Allegri Crispian Sallis
Vestuario	Janty Yates
Casting	Louis DiGiaimo
Actors	Anthony Hopkins Julianne Moore Gary Oldman Ray Liotta Frankie R. Faison Giancarlo Giannini Francesca Neri Željko Ivanek David Andrews Francis Guinan Robert Rietti Enrico Lo Verso Ivano Marescotti Fabrizio Gifuni Marco Greco Hazelle Goodman Terry Serpico Boyd Kestner Peter Shaw James Opher Don McManus Danielle de Niese Mark Margolis Bruce MacVittie
Color	Technicolor
Datos y cifras
País(es)	Estaus Unius Italia Reino Uniu
Anyo	2001
Estreno	5 de febrero de 2001 Nueva York (Nueva York, Estaus Unius) 9 de febrero de 2001 Italia 16 de febrero de 2001 Reino Uniu
Chenero(s)	Cine d'intriga Cine de drama Cine de terror
Durada	132 min.
Idioma(s)	Anglés Italiano Chaponés
Companyías
Productora(s)	Metro-Goldwyn-Mayer Pictures Universal Pictures Dino De Laurentiis Company Scott Free Productions
Distribución	United International Pictures
Presupuesto	87 millons de dólars
Recauto	351,6 millons de dólars
Succesión de cintas
Precedida por	The Silence of the Lambs (1991, Jonathan Demme)
Succedida por	Red Dragon (2002, Brett Ratner)
Informacions en bases de datos especializadas:

Hannibal (títol orichinal, estrenada en Aragón con ixe mesmo títol) ye una cinta de cine d'intriga de drama de terror coproducida por o cine estausunidense, lo cine britanico y lo cine italiano estrenada l'anyo 2001, dirichida por Ridley Scott seguntes un guión adaptau por David Mamet y Steven Zaillian (basau en Hannibal, una novela publicada por Thomas Harris l'anyo 1999), con una banda sonora orichinal de Hans Zimmer, una dirección de fotografía de John Mathieson y una producción cinematografica de Dino De Laurentiis, Martha De Laurentiis y Ridley Scott ta las productoras Metro-Goldwyn-Mayer Pictures, Universal Pictures, Dino De Laurentiis Company y Scott Free Productions. Fan parte de l'elenco d'actors d'a cinta, entre d'atros, Anthony Hopkins, Julianne Moore, Gary Oldman, Ray Liotta, Frankie R. Faison, Giancarlo Giannini, Francesca Neri, Željko Ivanek, David Andrews, Francis Guinan, Robert Rietti, Enrico Lo Verso, Ivano Marescotti, Fabrizio Gifuni, Marco Greco, Hazelle Goodman, Terry Serpico, Boyd Kestner, Peter Shaw, James Opher, Don McManus, Danielle de Niese, Mark Margolis y Bruce MacVittie.

A cinta ye una secuela de The Silence of the Lambs (1991, Jonathan Demme) y tenió continidat con una tercera cinta en a serie, Red Dragon (2002, Brett Ratner), concebida como una precuela d'a primer cinta. En Hannibal se conta cómo Clarice Starling , l'achent especial d'o FBI que heba colaborau en conseguir que lo perigloso caníbal engarcholau Hannibal Lecter accedise a partecipar en a captura d'un atro perigloso asasino en serie (Jame Gumb), se troba suspensa d'as suyas funcions por una detención que ha fallau y a on s'ha visto obligada a disparar y matar a bels sospeitosos. Dende lo caso que la fació famosa han pasau 10 anyos, o mesmo tiempo que fa que Hannibal Lecter conseguise fugar-se. Agora Clarice contina investigando lo caso d'a fuga mientres se troba suspensa (por presions de Mason Verger, a sola victima supervivient de Lecter) y consigue descubrir una pista que la fa plegar enta lo posible puesto a on s'amaga Lecter, que ye la ciudat de Florencia en Italia. Simultaniament, un policía italiano tien sospeitas de que un conservador d'a biblioteca de Florencia, Fell, ye en realidat Lecter y treballa ta asegurar-lo, ponenso-se en contacto con Verger ta cobrar a recompensa que iste ufre por a captura de Lecter. Cuan Verger conoix ixo, maniobra ta sobornar a Paul Krendler, funcionario d'o Departamento de Chusticia d'os Estaus Unius que ye molesto porque Clarice ha refusau as suyas proposicions sexuals, ta que acuse falsament a la muller d'amagar prebas y asinas conseguir capturar él a Lecter. Tanimientres, iste ha descubierto que lo policía ye dezaga d'él y lo mata. Cuan consigue capturar a Lecter, Verger se troba con que lo suyo emplegau accepta la oferta de Lecter ta matar-lo a él, y l'emplegau deixa a Verger en mans d'un latonamen afamau que se lo minchan. Cuan Clarice consigue localizar-los, troba a Lecter cocinando parte d'o cerebro de Krendler y dando-se-lo a iste ta que lo minche.

A cinta s'ambienta en Washington, DC en Estaus Unius y en Florencia en Italia, en epoca actual d'a cinta (2001) y las suyas escenas se filmoron en Asheville (Carolina d'o Norte), Richmond (y atros puestos de Virchinia) y Washington, DC en Estaus Unius y en Florencia (Ciudat metropolitana de Florencia) y bels puestos en Cerdenya en Italia.

Hannibal ye una cinta que ha recubiu cuantos premios y nominacions, encara que garra d'éls no perteneixe a los premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 2001.
• Cintas de 2001.

Vinclos externos

• (en) Hannibal en Internet Movie Database.
• (en) Hannibal en TCM Movie.
• (en) Hannibal en Rotten Tomatoes.
• (en) Hannibal en Metacritic.
• (en) Hannibal en Box Office Mojo.

• Datos: Q722682
• Multimedia: Hannibal (film) / Q722682