Ir al contenido

Coturnix coturnix

De Biquipedia
(Reendrezau dende Gualla (especie))
Coturnix coturnix
Una cotorniz (Coturnix coturnix).
Denominacions populars
cotorniz / codorniz, gualla / guanlla, guailla, palpala
Estau de conservación

Seguro (IUCN)
Clasificación cientifica
Reino:
 Animalia
Filo:
 Chordata
Clase:
 Aves
Orden:
 Galliformes
Familia:
 Phasianidae
Chenero:
 Coturnix
Especie:
 C. coturnix
Descripción
Coturnix coturnix
Linnaeus, 1758
Distribución cheografica
Distribución d'a cotorniz.

A cotorniz[1][nota 1] u gualla[1][2][nota 2] (nombre cientifico Coturnix coturnix (Linnaeus, 1758)[3]), tamién dita palpala[1], ye una especie d'au d'a orden d'os Galliformes y familia Phasianidae que ye chicota y compacta, de 16–18 cm de luengo con una envergadura de 32–35 cm.

Ista ye una especie terrestre, s'alimenta de simients y insectos en o suelo. Ye notoriament dificil de veyer, se mantiene amagada en os cautivos y ye reticent a volar, preferindo esmoscar-se en o suyo puesto.

A cotorniz ye muit cazada en o suyo paso per l'aria mediterrania. Un gran numero se captura en os rez a lo luengo d'a costa mediterrania d'Echipto. S'estima que en 2012, mientres a migración d'agüerro, se capturoron 3,4 millons d'aus en o norte d'o Sinai y talment dica 12,9 millons en tot Echipto.

Si as cotornices han minchau bellas plantas, encara que se debat qué planta, a carne de cotorniz puede estar verenosa, y un de cada cuatro que consumen carne verenosa se malauta de coturnismo, que se caracteriza per dolor muscular y que puede conducir a problemas renals.[4]

A denominación mas estendillada por a parti occidental de Sobrarbe y por Sobrepuerto ye codorniz[2], denominación tamién rechistrada en Tramacastiella de Tena y as Corz y en a suya variant conservadera d'a oclusiva xorda, cotorniz[2], se rechistra en Boltanya, Chistén u a Espunya.

En a parti oriental de Sobrarbe, a Fueva, Ribagorza y o país de l'Isabana a forma mas común ye gualla[2], documentada en lugars de parla aragonesa ribagorzana como as Corz, Graus u Torres, en o dominio lingüstico benasqués, rechistrada en Benás, Castilló de Sos, Chía, Grist, Llire, Saúnc, Veri, Vilanova y común tamién a lugars de parla catalana ribagorzana como Esdolomada, las Pauls, Sant Istevan de Litera u Tamarit de Litera. A variant guanlla[2] ye rechistrada en Castanesa, Gabás y la Poblla de Roda y guailla[2] se rechistra en a val de Lierp. Existe tamién a denominación palpala[2], documentada en Uesca capital.

  • C. c. coturnix (Linnaeus, 1758).
  • C. c. conturbans (Hartert, 1917).
  • C. c. inopinata (Hartert, 1917).
  • C. c. africana (Temminck & Schlegel).
  • C. c. erlangeri (Zedlitz, 1912).
  1. ↑ Con a variant codorniz
  2. ↑ Con as variants guanlla y guailla

Referencias

[editar | modificar o codigo]
  1. 1 2 3 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
  2. 1 2 3 4 5 6 7 (an) Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals,Ed. Val d'Onsera, 2004, ISBN 978-84-8986-235-7, p.119
  3. ↑ (la) Linnaeus, Carl (1758). Systema Naturae per regna tria naturae, secundum classes, ordines, genera, species, cum characteribus, differentiis, synonymis, locis . Vol. 1 . Holmiae (Stockholm): Laurentii Salvii. p. 161.
  4. ↑ (en) Korkmaz, İ.; Kukul Güven, F.M.; Eren, Ş.H.; Dogan, Z. (2011). "Quail consumption can be harmful". Journal of Emergency Medicine. 41 (5): 499–502.

Vinclos externos

[editar | modificar o codigo]
Obteniu de "https://an.wikipedia.org/w/index.php?title=Coturnix_coturnix&oldid=2344449"