Grumman F-14 Tomcat

De Biquipedia
Ir a la navegación Ir a la búsqueda
Grumman F-14 Tomcat
US Navy 051105-F-5480T-005 An F-14D Tomcat conducts a mission over the Persian Gulf-region.jpg
Grumman F-14 Tomcat
Datos chenerals
Tipo avión de caza
Fabricant Grumman
Primer vuelo 1970
Grandaria
Largaria 19.13 m
Envergadura 19.545 m
Superficie alas 52.5 m²
Peso 33.72 t
Especificacions
Autonomía 930 km
Motor 2x General Electric F110-GE-400
Velocidat maxima 2,485 km/h
Uso
Estato En servicio
Operador Flag of the United States.svg USAF
Atros usuarios Flag of Iran.svg Fuerza Aeria d'Irán
Producción
Unidatz construyitas 712
Esquema
F14 Schematics.jpg

Grumman F-14 Tomcat ye un avión de caza de quarta cheneración desembolicau por Grumman[1]. O suyo primer vuelo estió en 1970. Tien dos motors General Electric F110-GE-400 y una velocidat maxima de Mach 2.34 . Se'n han construyíu 712 unidatz.

Historia[editar | modificar o codigo]

O Tomcat estió desembolicau pa o programa "Naval Fighter Experimental" (VFX) de l'Armada d'os Estaus Unius dimpués d'o colapso d'o prochecto F-111B. O F-14 estió o primer d'os cazas American Teen Series, que estioron disenyaus incorporando experiencia de combate aerio contra cazas MiG entre a Guerra de Vietnam. O F-14 voló por primera vegada o 21 d'aviento de 1970 y fació o suyo primer desplegue en 1974 con a Marina d'os Estaus Unius a bordo de l'USS Enterprise, reemplazando a o McDonnell Douglas F-4 Phantom II. O F-14 sirvió como o prencipal caza de superioridat aeria maritima de l'Armada d'os Estaus Unius, interceptor d'esfensa de flota y plataforma de reconoixencia aeria tactica en o decenio de 2000. O sistema de navegación a baixa altitut y orientación infrarroja pa la nueit (en anglés Low Altitude Navigation and Targeting Infrared for Night (LANTIRN)) s'adhibió en o decenio de 1990 y o Tomcat prencipió a realizar misions d'ataque a tierra de precisión.

En o decenio de 1980, os F-14 estioron utilizaus como que interceptors terrestres por a Fuerza Aeria d'a Republica Islamica d'Irán entre a Guerra Irán-Irak, an veyioron combates contra avions de combate iraquíes. Seguntes os informes, os F-14 iranians espaldoron a lo menos 160 avions iraquíes entre a guerra, mientres que solament se perdioron entre 12 y 16 Tomcats ; a lo menos a metat d'istas perdas se debioron a accidents.

O Tomcat estió retirau por a Marina d'os Estaus Unius o 22 de setiembre de 2006, dimpués d'haber estau reemplazau por o McDonnell Douglas F/A-18 Hornet. O F-14 remaneix en servicio con a Fuerza Aeria d'Irán, habendo estau exportau a Irán baixo o rechimen de Pahlavi en 1976. En noviembre de 2015, surtioron informes d'a escolta voladera de F-14 iranians pa o Tupolev Tu-95, O Tupolev Tu-160 y o Tupolev Tu-22M mientres os ataques aerios en Siria.

Referencias[editar | modificar o codigo]

  1. (en) Thomas Newdick:The World's Greatest Military Aircraft, Amber Books Ltd, 2015, ISBN 978-1-78274-277-7