Río Griu

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Griu Grío
Administración
Estaus	{{{estaus}}}
Territorios	Aragón
Cheografía
Longaria	km
Altaria d'o naixedero	m
Naixedero	La Talaya (Sierra d'Algairén)
Desembocadura	río Xalón
Superficie d'a cuenca	{{{cuenca}}} km²
Cabal meyano	m³/s
Mapa
Lo Griu en Aragón

Lo río Griu ye un afluent de lo río Exalón que circula por la estreita val formada en la fuesa tectonica que bi ha entre las sierras Modorra, de l'Espigar y Bicort a lo surueste y la Sierra d'Algairén a lo nord-este.

Pasa por los termins municipals de Codos, Tobet, Santa Cruz de Griu con L'Aldeyuela de Griu, El Fraixno con Finochés, Morata d'Exalón, una prolongación de lo termin de L'Almunia de Donya Godina, entrando en lo termin de Ricla en la zona de Los Palacios, pa cayer en la marguin dreita d'Exalón pocos metros mes enta baixo de Ricla.

Cerca de Morata de Xalón tien una faixa fluvial a una considerable altaria que han datau como de lo periodo Plioceno, estando talment entre las mes antigas de la Cuenca d'Ebro.

Tien escaso cabal y bi ha estiaches que lo dixan seco. Cerca d'a on caye en Xalón naixe la Zaica de Griu, que permite regar 582 hectarias entre los municipios de Ricla y L'Almunia.

Cerca d'a on naixe esta zaica ye lo espacio natural de Mularroya ("Muela Roya" en la baixa Edat Meya), una val orientada NO - SE con muitos barrancos, declarada Zona especial de protección pa aus (ZEPA), encara que i haiga un prochecto de fer l'entibo de Mularroya en esta val.

Toponimia

En la Colección Diplomatica de L'Almunia de Donya Godina se puet leyer río de Griu en aragonés u en latín. Lo cambio dende Griu ta Grío ye paralelo a los cambios dende Seu ta Seo, Mateu ta Mateo, Romeu ta Romeo y Correu ta Correo en lo proceso historico de castellanización.

En catalán griu ye como se diz a lo grifo (animal mitolochico). En francés meyo Griu significaba "griego", y en Griu significa en benasqués "merla".

canto de griu ni hibert ni estiu

Manimenos ye posible que no i haiga una denguna relación, y que siga un caso d'homonimia y lo hidronimo se relacione con una palabra celtibera relacionada con la que ha orichinau "brío".

• Datos: Q9071805