Grillón

Iste articlo tracta sobre os grillons en as estructuras de resistencia de cualques plantas. Ta las grillas (insectos) se veiga Gryllidae.

Grillons d'una trunfa.

Un grillón (presumptament, d'o latín <*GALLELLUS) ye una chema que brosta en a superficie exterior d'as estructuras de resistencia de cualques plantas, como tuberclos, radices tuberosas, bulbos y rizomas, a partir de teixius meristematosos d'os cuals a especie les dota, y que puede convertir-se en o primordio d'un nuevo piet d'a planta, tot reproducindo-la de forma vechetativa.

Os grillons se producen en cualques especies domesticas, como a trunfa, a cebolla u l'allo, cuan fa bel tiempo que reposan u son almagazenadas. A l'aparición d'iste tipo d'estructuras se le diz «grillar-se», y se diz que una d'istas hortalicias ye «grillada» cuan li han amaneixiu grillons en a superficie.

En o saber popular, as hortalicias d'ixes tipos que son grilladas se considera que han perdiu cualque cosa d'as suyas propiedaz y caracteristicas organolepticas, por o que preferentment se desestiman de consumo y simplament se volan u se destinan ta simient.

Se veiga tamién

• Trunfa.
• Allo.
  • Allium sativum.
• Cebolla.
• Carota.

Referencias

• Datos: Q13049141