Goticismos en italián

De Biquipedia
Ir a la navegación Ir a la búsqueda

Los goticismos en italián son elementos orichinaus en la luenga chermanica gotica y presents en esta luenga romance.

A zaguers de lo sieglo V la Peninsula Italiana heba caito en poder de los mercenarios chermans y Odoacro deposó a lo zaguer emperador d'Occident Romulo Augustulo. Lo Imperio Román d'Orient encara manteneba prou bien la suya integridat territorial y las estructuras de poder romanas, y en l'anyo 493 lo emperador Zenón ninvió a Italia un exercito formau en part por ostrogodos y mandau Teodorico lo Gran pa que restaurás l'orden román. Teodorico lo Gran creyó a zaguers de lo sieglo V lo Reino Ostrogodo d'Italia, que duró dica l'anyo 553 con la reconquiesta bizantina dimpués de la guerra gotica. En lo Reino Ostrogodo d'Italia se respectó las instucions romanas pero los ostrogodos monopolizaban los puestos militars de responsabilidat.

La escaseza de goticismos en italián amuestra la poca durada d'existencia de lo estau ostrogodo y tamién la separación d'ostrogodos y romans, con permanencia d'una clase dirichent romana hostil desdenyosa de la presencia ostrogoda,[1] d'un poder militar ostrogodo alleno a ella.

Lexico[editar | editar código]

Los goticismos presents en las luengas y dialectos romances d'Italia son escasos, y solo una minima part de los goticismos documentaus en Italia han plegau a cheneralizar-sen en Italián standard. La mayor concentración de palabras y toponimos goticos d'Italia se troba en las provincias de Brescia y Cremona (adintro de la rechión de Lombardía), y en lo sector entre Verona y Vicenza (en la rechión de Veneto), zonas a on que se charra lombard y venecián respectivament.

Vida familiar[editar | editar código]

  • Albergo: deriva de lo gotico *HARIBERGO.[2]
  • Arpa: deriva de lo gotico *HARPA.[2]
  • Aspa: deriva de lo gotico *HASPA.[2]
  • Fiasco: ye una retroformación a partir de *flaskô tirando la terminación que pareixeba lo sufixo -one aumentativo.[1]
  • Schitar: deriva de *skeitan y signfica diarrera de los pollos.[1]

Ambito militar[editar | editar código]

  • Briglia: deriva de lo gotico *brigdil.[1]
  • Elmo: deriva de lo gotico *hilms. Significa hielmo.
  • Guardia: deriva de lo gotico *wardja.

Toponimia[editar | editar código]

Los toponimos goticos d'Italia son quasi totz toponimos referents a nuclios de población u defensa, y pueden tener un etnonimo u antroponimo identificador.

Hi ha toponimos goticos con lo mesmo sufico -engo que s'ha feito productivo en castellán a traviés de lo gotico:

  • Buttanengo: deriva de Bótil iggs.
  • Marengo: d'antes estió Malarengo, derivau de Malaharjis.

Fonetica[editar | editar código]

Se puede distinguir los goticismos de los chermanismos posteriors por no haber pasau por la segunda Lautverschiebung. Asinas, la mes gran part de las luengas galo-italicas amproron lo gotico *blauths como bioto, biot y biut, a diferiencia de lo emilián bios, que lo fizo de lo longobardo *blauz, forma con segunda Lautverschiebung como l'alemán bloss.[1]

Referencias[editar | editar código]

  1. 1,0 1,1 1,2 1,3 1,4 (es) Carlo Tagliavini: Origenes de las lenguas neolatinas. Fondo de Cultura Economica. 1973, pp 389-390.
  2. 2,0 2,1 2,2 (es) Heinrich Lausberg: Lingüistica romanica. Tomo I fonetica. Editorial Gredos. p 329-331.

Bibliografía[editar | editar código]


Los goticismos en aragonés y en atras luengas romances
Los goticismos en galaico-portugués | los goticismos en astur-leyonés | los goticismos en castellán | los goticismos en aragonés | los goticismos en catalán | los goticismos en occitán | los goticismos en francés | los goticismos en italián | los goticismos en lombard | los goticismos en venecián | los goticismos en rumán


Gramatica d'o italián
Fonetica Cheminación fono-sintactica · Fonolochía · Sistema grafematico
Morfolochía Adchectivos (Calificativos · Demostrativos · Exclamativos · Indefinius · Interrogativos · Posesivos · Numerals cardinals · Numerals ordinals) · Adverbios (Adverbios d'afirmación · Adverbios espacials · Adverbios exclamativos · Adverbios interrogativos · Adverbios modals · Adverbios de manera · Adverbios de negación · Adverbios de quantidat · Adverbios de tiempo) · Articlos (Articlos definius · Articlos indefinius · Articlos partitivos) · Chenero · Conchuncions · Numero · Pronombres (Pronombres demostrativos · Pronombres exclamativos · Pronombres indefinius · Pronombres interrogativos · Pronombres posesivos · Pronombre presonal · Pronombre relativo) · Verbos (Verbos irregulars)
Sintaxi Negación · Voz pasiva · Oracions condicionals
Lexicolochía Lexico (Anglicismos · Arabismos · Castellanismos · Chermanismos · Galicismos · Helenismos)
Ortografía Accentuación (Accentos diacriticos) · Alfabeto italiano (Digrafos y trigrafos) · Normas ortograficas d'o italián