Gota freda

A gota freda^[1] -tamién dita depresión isolata en livels altos u DILA- ye un fenomeno meteolochico que afecta a ormino a la Mediterrania Occidental a primeras de l'agüerro y d'a primavera.

Descripción

Iste fenomeno afecta mas que mas a las zonas costeras d'as comunidaz autonomas d'o País Valenciano, a Rechión de Murcia, Catalunya, Andalucía oriental y a las Islas Balears, encara os suyos efectos tamién se pueden sentir en zonas mas internas.

En cheneral, a gota freda ye lo resultato d'un frent d'aire polar fredo (corrient a churro) que se mueve amonico sobre Europa Occidental a gran altaria (asobén entre 5 y 9 km) y que, cuan se troba con l'aire mas calient y humedo d'a Mar Mediterrania, chenera fuertes tronadas.

En meteorolochía, a locución "gota freda" designa a un volumen limitato d'aire fredo en os livels altos de l'atmosfera, que en una carta meteorolochica se representa arredolinato con isotermas zarratas.

Referencias

↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[DACC-1] (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[1]