Gilda (cinta)

Iste articlo ye sobre una cinta estausunidense de cine negro estrenada en 1946; ta atros usos, se veiga Gilda.

Gilda
Títol	Gilda
Póster d'a cinta, obra de Robert Coburn.
Ficha tecnica
Dirección	Charles Vidor
Aduyant de dirección	Arthur S. Black Jr.
Dirección artistica	Stephen Goosson Van Nest Polglase
Producción	Virginia Van Upp
Guión adaptau	Marion Parsonnet Ben Hecht (no acreditau)
Basau en	una historia d'EA Ellington adaptada por Jo Eisinger
Musica	M. W. Stoloff Marlin Skiles
Soniu	Lambert E. Day Russell Malmgren
Fotografía	Rudolph Maté
Montache	Charles Nelson
Escenografía	Robert Priestley
Vestuario	Jean Louis
Maquillache	Clay Campbell Robert J. Schiffer
Peluquería	Helen Hunt
Actors	Rita Hayworth Glenn Ford George Macready Joseph Calleia Steven Geray Joe Sawyer Gerald Mohr Mark Roberts Ludwig Donath Don Douglas Lionel Royce George J. Lewis
Color	Blanco y negro
Datos y cifras
País(es)	Estaus Unius
Anyo	1946
Estreno	14 de marzo de 1946 Nueva York (Nueva York, Estaus Unius)
Chenero(s)	Cine negro
Durada	110 min.
Idioma(s)	Anglés Castellano Francés Alemán
Companyías
Productora(s)	Columbia Pictures
Distribución	Columbia Pictures
Presupuesto	2 millons de dólars
Recauto	6 millons de dólars
Informacions en bases de datos especializadas:

Gilda (títol orichinal, estrenada en Aragón con ixe mesmo títol) ye una cinta de cine negro de cine estausunidense estrenada l'anyo 1946, dirichida por Charles Vidor seguntes un guión adaptau por Marion Parsonnet y Ben Hecht, iste zaguero no acreditau, basau en una historia d'EA Ellington adaptada por Jo Eisinger. Conta con una banda sonora orichinal de M. W. Stoloff y Marlin Skiles, una dirección de fotografía de Rudolph Maté, una producción cinematografica de Virginia Van Upp ta la productora cinematografica Columbia Pictures, y un elenco d'actors d'o cual en fan parte Rita Hayworth, Glenn Ford, George Macready, Joseph Calleia, Steven Geray, Joe Sawyer, Gerald Mohr, Mark Roberts, Ludwig Donath, Don Douglas, Lionel Royce y George J. Lewis, entre d'atros actors.

Johnny Farrell ye un estausunidense recient plegau enta Buenos Aires, a on s'adedica a ganar diners chugando a chuegos de daus con daus cargaus. Ballin Mundson, un desconoixiu, lo salva en bel conflicto y li charra d'un casino ilegal de luxo existent en a ciudat, pero l'insta a no fer-ie trapazas. Tanimientres, Farrell gana diners en ixe casino en chugando a lo blackjack y fendo reconto de cartas, por a cual cosa lo levan a presencia d'o propietario d'o local, qui resulta estar o mesmo Mundson. Farrel convence a iste ta que lo contracte y bien luego se converte en a suya man dreita. Poco dimpués Mundson marcha de viache enta los Estaus Unius y en tornar lo fa casau con Gilda, una muller con qui se casó a lo día siguient de conoixer-la. Bien luego se fa evident que Gilda y Farrell se conoixeban d'antes mas, encara que toz dos li lo niegan a Mundson, y iste encomana a Farrell o cudiau d'a suya nueva muller. Gilda s'adedica de contino a coquetiar con muitos hombres con a evident intención de fer lo crabero a Farrell. Un día plegan en o casino uns alemans que charran con Mundson y que resulta que heban creyau una empresa ta controlar a producción de tungsteno mientres a Segunda Guerra Mundial y que, en veyer que l'Archentina y dentraría en a guerra y ta evitar que lis confiscasen, heban puesto a nombre de Mundson, cosa que heba financiau o suyo casino. Os alemans demanan a Mundson que lis torne tot, pero iste se niega y finalment fan explotar un avión a on iste viachaba, estando declarau muerto. Bien luego Farrell se casa con Gilda, que ha recibiu tot en herencio, pero por chelosía no li fa garra caso, y ista preba de fuyir, mesmo enta Montevideo en l'Uruguai, pero Farrell siempre la fa tornar. D'atra man, Obregón ye un policía archentino que investiga lo tema d'os alemans, dica que se convence que de tot ixe tema Farrell no en conoix cosa. De rapiconte, apareixe Mundson, qui heba simulau a suya muerte, y quiere matar mesmo a Farrell que a Gilda.

A cinta s'ambienta en 1946 en Buenos Aires (Archentina) y Montevideo (Uruguai) y las suyas escenas se filmoron en Hollywood (Los Angeles, California) en os Estaus Unius.

Se tracta d'una cinta que ha recibiu bels premios y nominacions, anque garra d'éls no perteneixe a los premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 1946.
• Cintas de 1946.

Vinclos externos

• Se veigan as imáchens de Commons sobre Gilda.
• (en) Gilda en Internet Movie Database.
• (en) Gilda en l'American Film Institute Catalog de l'American Film Institute.
• (en) Gilda en TCM Movie Database.
• (en) Gilda en Rotten Tomatoes.

• Datos: Q382307
• Multimedia: Gilda / Q382307