George Nathan

De Biquipedia
Ir a la navegación Ir a la búsqueda
George Nathan
1895 - 16 de chulio de 1937
Información personal
Embotada {{{embotada}}}
Puesto de naixencia Flag of Ireland.svg Irlanda
Puesto de muerte Guadarrama (Madrit)
(Batalla de Brunete)
Información melitar
Leyaltat {{{leyaltat}}}
Anyos de servicio {{{servicio}}}
Rango
Mandos Batallón Lincoln
Batallón Washington
Batallón Britanico
XV Brigata Internacional
Unidat
Batallas/guerras Primera Guerra Mundial
Guerra d'Independencia Britanica
Guerra Civil espanyola
Batalla de Brunete
Premios
Atras funcions

George Montague Nathan, naixito en Irlanda en 1895 y muerto en a batalla de Brunete o 16 de chulio de 1937, estió un politico y melitar irlandés, melitant d'o IRA (Exercito Republicano Irlandés) y voluntario en o Exercito britanico en a Primera Guerra Mundial y voluntario tamién en a Guerra Civil espanyola en as Brigatas Internacionals en defensa d'a Segunda Republica Espanyola. Estió miembro d'o Estato Mayor d'a XV Brigata Internacional.

Primera Guerra Mundial[editar | editar código]

En a Primera Guerra Mundial, George Nathan estió voluntario en o Exercito britanico, combatindo en o Frent Occidental, y estando ascendito enta sarchento mayor. Fue distinguito lo 9 d'abril de 1917[1] como o solo oficial chodigo en a Brigata d'a Guardia.[2]

Guerra d'Independencia d'Irlanda[editar | editar código]

Entre 1918 y 1936, as suyas actividatz en a Guerra d'Independencia d'Irlanda son poco conoixitas. Richard Bennet afirma que estió miembro d'o servicio secreto britanico mientres treballaba encubiertament ta l'Exercito Republicano Irlandés (IRA), y que estió lo responsable d'os asesinatos d'o toque de queda en Limerick en tanto que miembro d'o Rechimiento d'os Black and Tans.[3] En qualsiquier caso, sí ye conoixita a suya melitancia en l'IRA.

Guerra Civil Espanyola[editar | editar código]

L'agüerro de 1936 s'enroló como voluntario en as Brigatas Internacionals en a Guerra Civil espanyola, prenendo-ie lo mando d'a Companyía britanica en a XIV Brigata Internacional (clamata la Marsellaise por a suya composición mayoritaria de franceses).[4] Fue nombrato comandant d'o batallón dimpués d'o fusilamiento de Gaston Delasalle acusato d'espionache.[5]

Dimpués mandó lo Batallón Lincoln, o Batallón Washington y lo Batallón Britanico en a XV Brigata Internacional. A suyo valor en combate estió lechendaria; ninviaba a os suyos hombres enta l'ataque mientres les deciba Enta adebant, sinyoras, ta esperonar-los.

A suya solicitut de melitancia en o Partito Comunista fue desestimada, fuese por a suya orientación sexual,[6] u talment por a suya tibieza ideyolochica.[7] No obstant, os observadors d'a Komintern admiraban a suya frida arrogancia debant o fuego enemigo.[7]

Dimpués estió lo cabo d'Estato Mayor d'a XV Brigata Internacional, y fue mortalment ferito en a batalla de Brunete lo 16 de chulio de 1937.[8] Se fació portar enta un campo d'oliveras y demandó a os suyos soldatos que cantasen mientres moriba, en Guadarrama (Madrit.

Bibliografía[editar | editar código]

  • (en) Antony Beevor, Battle for Spain, (2007).
  • (en) Richard Bennett, "Portrait of a Killer", New Statesman, 24 de marzo de 1961.
  • (en) Cecil Eby, Comrades and Commissars, (2007).
  • (en) Jason Gurney, Crusade in Spain, (1974).
  • (en) Joe Monks, With the Reds in Andalusia, 1985.
  • (en) Hugh Thomas, The Spanish Civil War, (2003).

Vinclos externos[editar | editar código]

Notas y referencias[editar | editar código]

  1. Joe Monks, With the Reds in Andalusia, 1985.
  2. Hugh Thomas, The Spanish Civil War, (1961) 1ª ed., pachina 347.
  3. Richard Bennett, "Portrait of a Killer", New Statesman, 24 de marzo de 1961, pachinas 471-472.
  4. Hugh Thomas, The Spanish Civil War, (2003) pachina 475.
  5. Hugh Thomas, The Spanish Civil War, (2003) pàg. 477.
  6. Cecil Eby, Comrades and Commissars, (2007) pachina 202.
  7. 7,0 7,1 Jason Gurney, Crusade in Spain, (1974) pachina 132.
  8. Antony Beevor, Battle for Spain, (2007) pachina 280.