Gatera (gato)
Una gatera[1] ye una trapa con alguazas fixada en una puerta, paret u finestra pa permitir que os gatos dentren y salgan d'una casa por sí mesmos sin que siga menester que una persona ubra a puerta. A la vegada, ofreixen bel grau de protección debant d'o viento y a pluya pa que no i dentren en a vivienda. Existen mecanismo parellanos pa os cans. D'antis mas, as gateras yeran tan simplas como un forau feito en a puerta u a paret de casas u palleros pa permitir a dentrada libre a os gatos. Gracias a ellas, os gatos contribuyiban a mantener aleixaus a radedors d'as reservas de trigo y panizo astí alzadas. Atamas de que ista necesidat ha desapareixiu, bellas casas antigas y bordas encara las conservan.
As gateras son populars en bels países, particularment o Reino Uniu, a on se creye que os amán d'o 90% de gatos tienen acceso a l'aire libre.[2]
A invención d'a gatera s'atribuye a sobén a Isaac Newton.[3]
Caracteristicas
[editar | modificar o codigo]A gateras mas simplas son as de trapas basculants pero istas pueden mover-se u sonar con o viento. Un imant en a gatera puet mantener a trapa en o suyo puesto y permitir l'acceso. Bellas gateras tamién tienen topes achustables pa restrinchir a ubertura de l'aleta en una dirección u l'atra - por eixemplo para permitir que o gato i dentre, pero que no'n salga unatra vegada. Bellas gateras mas sofisticadas tienen topes electromagneticos que puedan detectar un imant permanent que s'emparella con unatro levau en o garganchón d'o gato que ubrirá a gatera cuan o gato se i amane, privando asinas que cualsiquier atro animal faiga servir a gatera y dentre en a casa. As gateras con zarraduras infrarroyas s'ubren nomás cuan un dispositivo montau en o garchanchón d'o gato transmite o codigo correcto a la gatera, permitindo que os duenyos d'o gato tiengan diferents gateras que diversos gatos puedan emplegar.
As gateras de RFID que leyen l'implant d'o microchip d'un gato tamién han estau disponibles recientment.[4][5][6]
Bels gatos pueden evitar disenyos unidireccionals d'a gateras con tope estirando d'a parte inferior d'a trapa interna. Os gatos pueden trayer radedors ta una vivienda a traviés d'as gateras; un duenyo de gato ha iu a l'extremo tecnolochico pa solucionar iste problema, emplegando una webcam y un software de reconoiximiento d'imachen.[7]
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (en) Indoor / Outdoor. Messy Beast.
- ↑ (en) Visit the museum — Isaac Newton. Science Museum, 16 de chinero de 2008.
- ↑ (en) Sureflap Europe. Sureflap.co.uk.
- ↑ (en) Sureflap North America. Sureflap.ca, 1 de chulio de 2009.
- ↑ (en) Pet Porte Microchip Cat Flap. Microchipcatflaps.co.uk, 3 de abril de 2009.
- ↑ (en) Flo Control. Quantumpicture.com.
