Garnacha tintera

A garnacha tintera^[1] u garnacha tinturera^[1] ye una uga tinta que ha estau cautivada amplament dende 1866. Se tracta d'un cruce entre a petit bouschet (que a la vegada ye un cruce muit antigo d'as variedaz teinturier du Cher y aramón) y a garnacha.^[2]

A garnacha tintera ye una teinturier, una uga con polpa roya. Ye una d'as pocas ugas teinturier que perteneixen a la especie Vitis vinifera. A suya intensa color fa que siga útil pa mezclar-se con o vin tinto claro. Fue plantada en gran mida en California mientres a Lei Seca estausunidense pa a exportación a la Costa Este. O suyo babón grueso la fació resistent a la putrefacción mientres o proceso de transporte. A color roya intensa tamién yera útil pa aumentar a cantidat de vin mientres a prohibición, ya que podría diluyir-se sin desmereixer en a suya apariencia. En o sieglo XXI, a garnacha tintera fue a docena uga de vin tinto mas plantada en Francia, con plantacions considerables en as rechiones de Lenguadoc, Provenza y Conhac.^[3]