García Urreya de Maixons
| García Urreya de Maixons | |
|---|---|
| Bispe de Zaragoza | |
 Retrato imachinario atribuyiu a Pablo Rabiella y Díez de Aux en 1693. | |
| 1130-1137 | |
| Predecesor | Istevan |
| Succesor | Guillén |
| Naixencia | Sieglo XI Exeya d'os Caballers
|
| Muerte | 1137 Zaragoza
|
García Urreya de Maixons y avegadas tamién citau como García de Zaragoza, naixiu d'Exeya d'os Caballers, en calendata desconoixida[1] y muerto en Zaragoza en el anyo 1137) estió un relichioso aragonés que estió bispe de Zaragoza entre 1130 y 1137.
Fació parti d'o capítol d'a seu de Uesca baixo o bispau d'Istevan y fue nombrau pa o bispau de Zaragoza gracias a o refirme rechio como compromís con o teorico superior eclesiastico d'o bispau, l'arcebispe Olegario de Tarragona.[2]
O suyo episcopau escayeixe en os primers anyos de dominación cristiana d'a ciudat, dimpués d'a organización d'o bispau por Pero de Librana. Baixo o suyo mandato prencipia en 1135 a baralla entre os canonches d'a basilica de Nuestra Sinyora d'o Pilar y los d'a seu d'o Salvador por a titularidat d'a seu espiscopal. Os primers argumentaban haber estau a seu orichinal de Pero, mientres que os segundos ocupaban a seu que aquel mandó edificar. Asistió o concilio de Reims de 1131[3] que deixó para acompanyar a o rei a la suya zaguera campanya en l'Ebro.[4]
O suyo episcopau estió fuertement marcau por a guerra civil que surchió por a succesión d'Alifonso I o Batallador, en a que cuantos pretendients se disputoron o trono. A tamas d'a elección d'o chirmán d'o rei, Remiro II d'Aragón, habió de contemporizar con as potencias vecinas que intervinioron como Alifonso VII de Leyón (prencipal potencia en o periodo) u Remón Berenguer IV de Barcelona (a qui refirmaba o superior eclesiastico de García, Olegario de Tarragona).[4] Estió present en a coronación como emperador d'Alifonso VII de Leyón.[5]
Referencias
[editar | modificar o codigo]- ↑ (es) Un obispo ejeano después de 311 años. Ejea Noticias.
- ↑ (en) "Possesing the Land. Aragon's Expanision to Islam's Ebro Frontier under Alfonso the Battler, 1104-1134". Clay Stalls. Pach. 240. ISBN 9004103678
- ↑ (es) El papado y los reinos de Navarra y Aragón hasta mediados del siglo XII. Paul Kehr. Estudios de Edad Media de la Corona de Aragón, 1947. Vol. II OCLC 850902533. Pach. 160
- ↑ 4,0 4,1 (es) "Teatro historico de las iglesias del reyno de Aragon". Fray Lamberto de Zaragoza y Remón de Uesca. Vol. 2. Ed. J.M. de Ezquerro, 1782
- ↑ (es) "Annales del Reyno de Navarra". José de Moret y Francisco de Aleson. Ed. Pascual Ibañez, 1766. Pach. 319}}
Vinclos externos
[editar | modificar o codigo]| Cargos eclesiasticos | ||
|---|---|---|
| Predecesor: Istevan |
Bispe de Zaragoza 1130-1137 |
Succesor: Guillén |
| Control d'autoridaz |
|
|---|
Datos: Q19521932