Galitzia
Galitzia (en polaco Galicja, en ucrainés Галичина) ye una rechión historica d'alto u baixo 78.000 km2 situada en o sud de Polonia y lo ueste d'Ucraína. A suya capital yera Lviv.
Historia
[editar | modificar o codigo]En o sieglo XII se formó lo Prencipau de Galitzia, que prenió lo suyo nombre d'a suya primera capital, a ciudat de Halytch (Ucraína) que en latín se diz Galice. O Prencipau de Galitzia en zaguerías de sieglo se fusionó con a vecina Volinia pa formar lo Reino de Galitzia-Volinia.[1]
En 1772, con a partición d'a Republica d'as Dos Nacions, a parte sud-este estió atorgada a la emperadriz Habsburgo María Teresa, que los suyos burocratas la denominoron Reino de Galitzia y Lodomeria.
En finalizar a Primera Guerra Mundial, con a disolución de l'Imperio Austrohongaro lo Reino de Galitzia y Lodomeria se dividió en a Galitzia Occidental y la Galitzia Oriental.
En finalizar a Segunda Guerra Mundial, Galitzia Occidental tornó a Polonia, Galitzia Oriental a la URSS y, dentro d'esta zaguera, a la Republica Socialista Sovietica d'Ucraína. Entre setiembre de 1944 y abril de 1946, toz dos estaus levoron a cabo un intercambio de población que involucró a aproximadament 450.000 personas. Os polacos que residiban en a parte oriental d'o país, asignada a la Republica Socialista d'Ucraína, estioron tresladaus a Polonia, mientres que los ucraineses y lemkos (aproximadament 200.000 personas) abandonoron voluntariament lo sud-este de Polonia con destín a Ucraína
Se veiga tamién
[editar | modificar o codigo]- Galitzia Occidental (u tamién Nueva Galitzia).
- Galitzia Oriental.
Referencias
[editar | modificar o codigo]- ↑ (fr) Timothy Snyder, La reconstruction des nations. Pologne, Ukraine, Lituanie, Bélarus, 1559-1999, Gallimard, coll. « Bibliothèque des histoires », 2017, 512 p.,ISBN 978-2-07-014852-3.
| Control d'autoridaz |
|
|---|
Datos: Q180086
Multimedia: Galicia (Central Europe) / Q180086