Galileo (sonda espacial)

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
A sonda espacial Galileo.

A Galileo estió una sonda espacial de l'achencia espacial estausunidense, NASA, con l'obchectivo d'estudiar la planeta Chupiter y lo suyo sistema de satelites. Lo vehíclo yera formau per una sonda orbital, destinada a estudiar a planeta y realizar sobrevuelos d'os suyos satelites, y per una sonda atmosferica, destinada a penetrar en l'atmosfera de Chupiter.

A Galileo estió lanzada lo 18 d'octubre de 1989 y plegó a Chupiter en aviento de 1995. A sonda atmosferica penetró en l'atmosfera d'a planeta chiganta lo 7 d'aviento de 1995 capuzando-se bels 200 km en l'interior de l'atmosfera dica estar destruyida per las altas presions y temperaturas, pero transmitindo importants datos de composición quimica y actividat meteorolochica de Chupiter. A sonda orbital remanió operativa replegando datos cientificos de l'atmosfera de Chupiter, d'o suyo campo magnetico, d'o sistema d'aniellos y d'os prencipals satelites como Io y Europa, dica la fin d'a misión lo 21 de setiembre de 2003. Entre os prencipals escubrimientos cientificos d'a misión se troban os resultaus sobre l'ocián subsuperficial d'Europa.