Veyer o codigo fuent de «Galicismos en anglés»

{{Grafía EFA}}
[[imachen:Henry II, Plantagenet Empire.png|250px|thumb|Extensión d'os dominios d'a [[Casa d'Anchú]] arredol de l'anyo 1172 en Francia y Islas Britanicas. En amariello entero s'amuestra as posesions anchevinas, en puntos amariellos s'amuestra zonas d'hechemonía anchevina.]]
Os '''galicismos en anglés''' los ha iu amprando esta luenga en diferents periodos d'a suya historia, pero principalment o periodo de dominio [[normandos en Anglaterra|normando]] d'Anglaterra, cuan bi habió una clase dirichent francofona provinient de [[Normandía]] y que charraba o [[idioma anglo-normando|anglo-normando]], una [[luengas d'Oïl|luenga d'Oïl]] [[codialecto|codialectal]] con o [[francés antigo]]. D'esta traza muitos galicismos reflectan o feudalismo y a vida d'os que vivioron en ixe sistema: [[cargo]]s, [[lechislación]], [[politica]], terminolochía militar medieval, construccions propias d'o [[feudalismo]], oficios medievals, l'alimentación d'a clase dirichent, constituindo tot un [[superstrato|superstrato lingüistico]]. En cualques casos bi ha parolas d'orichen anglo-saxón y parolas d'orichen [[luengas galorromanicas|galorromanico]] que pueden plegar a estar sinonimos parcials y coexistir por tener un significau mes concreto y con relación a la vida humana mientres que a parola anglo-saxona y mes abstracto y intelectual a parola galorromanica.

En tiempos posteriors a la presencia d'os [[normandos]] a [[influencia lingüistica|influencia]] d'o francés continó y l'anglés tamién ampró nuevas parolas d'o francés. Muitos termins relacionaus con os [[vestiu]]s, con a [[moda]], a [[cocina]], a [[vinicultura]], a diplomacia, o drama, a literatura, l'[[arte|art]] y o [[ballet]] son d'orichen francés.

L'abundancia de parolas d'orichen normando y francés fa que adintro d'as luengas chermanicas l'anglés presente muitas parolas con un aspecto pareixiu a l'aragonés, por haber-ie en aragonés cognatos latinos d'ixos galicismos u tamién occitanismos pareixius a ixas parolas.

En politica y leis as parolas ''president'', ''representative'', ''congress'' ("[[congreso]]"), ''constitution'', y ''parliament'' ("[[parlamento]]") son d'orichen galorromanico, como tamién duke (“[[duque]]”), marquis (“[[marqués]]”), viscount (“[[vizconte]]”), y baron (“[[barón]]”), contrastando con as parolas anglo-saxonas ''king'' (“[[rei]]”), ''queen'' (“[[reina]]”), ''lord'' (“[[sinyor]]”), ''lady'' (“[[sinyora]]”), ''earl'' (“[[conte]]”) y ''knight'' (“[[caballero]]”).

En urbanismo y construccions tenemos d'orichen galorromanico ''city'' ("[[ciudat]]"), ''village'' ("[[lugar]]", "[[aldeya]]"), ''court'' ("[[chuzgato]]", "[[tribunal]]"), ''palace'' ("[[palacio]]"), ''manor'' ("[[sinyoría]]", "[[feudo]]"), ''mansion'' ("palacio", "casa gran"), ''residence'' ("residencia"), y ''domicile'' ("domicilio"), contrastando con as parolas ''town'', ''borough'', ''hall'', ''house'', ''bower'', ''room'', que son d'orichen anglo-saxón.

Si contimparamos as parellas ''freedom'' con ''liberty'', ''hatred'' con ''enmity'' ("[[odio]]" y "[[enemistat]]"), ''love'' con ''affection'' ("[[amor]]" y "[[afecto]]"), ''likehood'' con ''probability'', ''truth'' con ''veracity'' ("[[verdat]]" y "[[veracidat]]") y ''lying'' con ''mendacity'' observamos que as parolas galorromanicas ''liberty'', ''enmity'', ''affection'', ''probability'' y ''mendacity'' son d'un [[rechistro culto]] y tienen un significau mes amplo que belunas d'as primeras.

As costumbres d'os [[normandos]] a la hora de minchar influyoron en a traza de dicir a los [[platos de carne]]. Mientres que l'animal vivo contina estando ''pig'' (“[[tocín]]”), un plato de tocín guisau ye de “pork”<ref name=HYSTORYOFTHEENGLISH>{{en}} [[Brigit Viney]]: ''The History of the English Language''. [[Oxford University Press]], 2008. pp 17-30.</ref>. Una cosa pareixida esdevién con a parola ''boeuf'', relacionada con o latín ''bos'', ''bovis'' y con l'aragonés “[[buei]]”, y diferent a l'anglés ''cow''. As parolas dinner ([[aragonés benasqués|benasqués]] ''disnar'', aragonés cheneral ''chentar''), y ''supper'' (aragonés ''cenar'', catalán ''sopar''), son d'orichen galorromanico. O prestichio d'a cocina francesa fació que s'amprasen os termins ''boil'' ("[[ebullición|bullir]]"), ''broil'' ("rostir en a [[gradella]]"), ''fry''  ("[[fritada|freyir]]"), ''grill'' ("[[gradella]]"), ''roast'' ("[[rostiu]]"), ''souse'' ("[[escabeche]]") y ''toast'' ("[[tostada]]"/"[[torrada]]", "torrar").

Os sinyors feudals normandos teneban como afición fer [[cazata]]s, y bi ha tot un lexico de [[cazataire]]s d'orichen galorromanico: ''chasse'' (“[[caza]]”, y fuera d'o contexto de cazataires “[[persecución]]”), ''quarry'' (“[[presa]]”), ''scent'' ("[[rastro]]"), and ''track'' (“[[pista]]”, “[[pisada]]s d'animal”) a diferencia de parolas anglo-saxonas como ''to hunt'' ("cazar").

Os nombres de muitos oficios ye d'orichen anglés: ''baker'', ([[fornero]]), ''builder'' ([[constructor]]), ''fisherman'', ([[pescataire]]), ''hedger'' ("chardinero", de ''hedge'', "[[seto]]"), ''miller'' ([[molinero]]), ''shepherd'' ([[pastor]]), ''shoemaker'' ([[zapatero]]), y ''weaver'' ([[teixidor]]).

Manimenos as denominacions d'artisans especializaus que precisan d'una habilidat u formación mes gran ye d'orichen galorromanico: ''carpenter'' ("[[fustero]]"), ''draper'' (comerciant de telas, como a parola "[[drapero]]"), ''haberdasher'' ("[[mercero]]"), ''joiner'' ("[[fuster d'obra]]"), ''mason'' ("[[piquero]]"), ''painter'' ("[[pintor]]"), ''plumber'' ("[[fontanero]]") y ''tailor'' (“[[sastre]]”, que talla).

L'anglés ampró de l'[[idioma anglo-normando|anglo-normando]] verbos que teneban [[Conchugacions incoativas en francés|conchugacions incoativas]]. Estos verbos prenioron a la fin a radiz ixamplada acabada en ''-ish'' (''to establish'', ''to finish'', ''to punish''). L'anglés en prenió ampraus tantos que l'afixo ''-ish-'' cuasi se fació productivo como formador de verbos<ref>{{en}} [[Yakov Malkiel]]: ''Romance Philology'', Volumen 27, nº 4-28. Editor	Brepols Publishers, 1974, p 443</ref>.

== Referencias ==
{{listaref}}

== Bibliografía ==
*{{en}} ''History of english''. Articlo titulau ''History of english'' en a edición de l'anyo 2007 d'a Enciclopedia Britannica.

== Se veiga tamién ==
*[[Galicismos en aragonés]].
*[[Galicismos en bavaro]].
*[[Galicismos en castellano]].
*[[Galicismos en catalán]].

{{Galicismos}}
{{Gramatica anglesa}}

{{Control d'autoridaz}}

[[Categoría:Lexicolochía de l'anglés]]
[[Categoría:Galicismos por idioma|Angles]]