Galaico-portugués

Galaico-portugués Galego-português
Atras denominacions:
Parlau en:	Espanya y Portugal
Rechión:	Galiza Portugal
Parladors:	extincto/200.000.000 fablants
Posición:	{{{rank}}} (Ethnologue 1996)
Filiación chenetica:	Luengas indo-europeas  Italica   Romanz    Galo-iberica     Ibero-romanz      Iberica occidental       Galaicoportugués
Estatus oficial
Oficial en:	Oficial en Galicia, Portugal, Brazil, Angola, Mozambique, Sant Tomé y Prencipe, Cabo Verde, Timor Oriental
Luenga propia de:	{{{propia}}}
Reconoixiu en:	{{{reconoixiu}}}
Regulau por:	Sin de regulación
Codigos
ISO 639-1	{{{iso1}}}
ISO 639-2
ISO 639-3	[1]
SIL
Luengas y dialectos descendients d'o idioma galaico-portugués en Europa

O galaico-portugués ye una luenga romanz que amaneixió como a evolución d'o latín en l'aria ocidental d'a peninsula ibérica. Huei as suyas variants, son consideratas por uns como variants d'una mesma luenga y por atros como luengas relacionatas.

Historia

O latín que plegó a la Gallaecia estió o latín betico que se charraba en o sud d'Hispania, mes conservador que no o latín tarraconense que orichinó o romanz navarro-aragonés, y que explicaría que o romanz galaico-portugués conserve ciertos elementos lexicos y foneticos perdius en atras luengas romances.

A indepencia de Portugal y a pertenencia de Galicia a la Corona de Castiella fació que a luenga común evolucionás en direccions diferents. A reconquiesta d'o sud de Portugal contribuyó a l'asimilación de mozarabismos y arabismos en portugués, devez que o gallego continó a suya evolución autonoma.

Dende o sieglo XVI as diferencias lexicas creixioron por o surchimiento d'un imperio colonial portugués con colonias en Sudamerica, Africa, Asia y Oceanía que aportoron a conoixencia d'atras culturas y productos. Dende ixe sieglo o gallego evolucionaba compartindo tendencias foneticas con o castellán.

Fonetica

• Conserva los diftongos decreixents latins -AI- y -AU- como -ei- y -ou-, que se reducen en -e- y -o- en castellán, navarro-aragonés y catalán:
  • CARRARIA > *CARRAIRA > carreira (cognato de "carrera").
  • JANUARIU > *JANAIRU > janeiro ("chinero", que se pronuncia xaneiro en gallego moderno).
  • FEBRUARIU > *FEBRAIRU > fevereiro ("febrero").
  • AURU > ouro ("oro").
  • TAURU > touro ("toro").
• No diftonga as vocals curtas Ĕ y Ŏ d'o sistema vocalico d'o latín vulgar, a diferencia d'o navarro-aragonés, castellán y astur-leyonés, romances a on que bi ha una diftongación:
  • FĔRRU > ferro ("fierro").
  • HĔRBA > herva ("hierba").
  • FŎNTE > fonte ("fuent").
  • PŎNTE > ponte ("puent").
• Os grupos latins CL-, FL- y PL- palatalizan ta ch-, a diferiencia de l'aragonés, que los conserva:
  • CLAVE > chave ("clau").
  • CLAMARE > chamar ("clamar").
  • FLAMA > chama ("flama").
  • PLANU > chão ("plan(o)", "plana").
  • PLICARE > chegar ("plegar").
  • PLOVERE > chover ("plever").
  • PLUVIA > chuva ("plevia").
  • O castellán ampró d'o galaico-portugués as palabras chubasco y chamuscar, derivaus respectivament de chuva y chama.
• Simplifica en -l- a cheminada latina -LL-:
  • CABALLU > cabalo ("caballo").
  • GLOBĔLLU > novelo ("dobiello").
  • CALAMELLU > caramelo, palabra amprada como portuguesismo por o castellán como caramelo y adaptada en aragonés como "carambelo" u "carambel" por ultracorrección.
• O grupo latín -MB- se mantién, a diferencia de l'aragonés a on que evoluciona ta -m-, pero coincidindo con o romanz navarro:
  • LUMBU > lombo ("lomo"/"lumo").
  • *LUMBA > lomba ("loma").
  • *PALUMBA > pomba ("paloma").

Variants

As suyas variants son:

• Gallego, Galego en Gallego;
• Portugués, Português en Portugués;
• A fala en Xalimego.

Bibliografía

• (es) Rafael Lapesa: Historia de la lengua española Editorial Gredos. 2001.
• (es) Heinrich Lausberg: Lingüistica romanica. Tomo I fonetica. Editorial Gredos, 1988.
• (es) Diego Catalán, Alvaro Galmés de Fuentes: Las lenguas circunvecinas del castellano, cuestiones de dialectología hispano-románica. Paraninfo.
• (es) Anchel Conte et al.: El aragonés: identidad y problemática de una lengua. Colección Aragón. Librería general, 1982.

Luengas romances

Aragonés | Arrumán | Astur-leyonés | Castellán | Catalán | Corso incluindo o gallurés | Chodigo-espanyol | Dalmata | Francés incluindo o diasistema d'as luengas d'oïl con o Borgonyón, Campanyés, Franco-Contés, Galó, Lorenés, Normando (Guernesiés, Jèrriais y Anglo-normando), Petavín-Santonchés, Picardo y Valón | Franco-provenzal | Friulán | Gallego | Istriot | Istrorrumán | Italián | Ladín | Ligur | Lombard | Meglenorrumán | Napolitán | Occitán incluindo o gascón y l'aranés | Piemontés | Portugués | Rumanch | Rumán | Sardo incluindo o sasarés | Secilián | Venecián