Fuents de Rubielos

Fuents de Rubielos Fuentes de Rubielos
Municipio d'Aragón
Entidat  • País  • Provincia  • Comarca	Municipio  Aragón  Teruel Gúdar-Chabalambre
Partiu chudicial	Teruel
Superficie	38,9 km²
Población  • Total	148 hab. (2025)
Altaria  • Meyana	962 m.
Distancia  • 62,1 km	enta Teruel
Alcalde	Ramón Luis Honrubia Ballester
Codigo postal	44415
Parroquial  • Diocesi  • Arcipestrau  • Parroquia	Teruel y Albarracín Mora de Rubielos Asumpción de Ntra. Sra.
Coordenadas	40° 10’ 9’’N 0°37’ 9’’U
Fuents de Rubielos Fuents de Rubielos en Aragón

Fuents de Rubielos (en castellano Fuentes de Rubielos, en churro Juentes) ye un municipio aragonés d'a provincia de Teruel, situau en a comarca de Gúdar-Chabalambre.

A suya población ye de 80 habitants (2005) en una superficie de 38,9 km².

Cheografía

Los suyos vicos son El Lugar (como dicen a lo nuclio central), Los Hornos, Mas d'Antón, El Cerrito, El Calvario, Las Clochas, La Canyada y El Rodeche. Lo zaguero ye amán d'o río Rodeche, que fa de muga con la provincia de Castellón.

Mugas

O suyo termin municipal muga con Olba, Rubiuelos de Mora y Nogueruelas.

Toponimia

Estió Fuentes dica 1609. Por eixempo en "Rationes decimarum Hispaniae (1279-80)" podemos leyer:

item a rectore de Mora, Figueruelas, Ravioles, Fuentes, prioratus sancte Marie Turolii est

En un texto de l'11 d'abril de 1339 de l'"Archivo Municipal de Rubiuelos" s'escribe simplament Fuentes, en aragonés:

Anno 1339, a 11 de Abril. El concello y universidad de Rubielos demandaba la promicia de todos los vecinos et pecheros y habitadores del dito lugar de Rubielos que lavraban y sembraban en el termino de Fuentes. Compromis entre los dos concellos.

Por lo menos dende 1646 s'escribe Fuentes de Rubielos. En un censo inquisitorial de 1748 figura como Fuente de Rubielos en singular.

Bi ha masías con nombre aragonés u d'apariencia aragonesa como El Cantal, El casucho, La Muela, El Pallaré, La Torre, Los Toranes y La Randa.

Bi ha fuents con nombre aragonés u precastellano como la Fuente Canaleta, la Fuente de la Jipi (de l'aragonés Alchip), Fuente de los Gamellones, la Fuente de la Canyada, y talment la Fuente de la Randa y Fuente de la Plaza Mochón.

Historia

En o sieglo XIV feba part d'a seixma d'el Campo de Sarrión, adintro d'a comunidat d'aldeyas de Teruel.

Demografía

Evolución demografica

1992 1994 1996 1997 1998 1999 2000 2001 2002 - - - - 86 94 88 100 104

2003 2004 2005 2006 2007 2008 2009 2010 2011 108 119 117 126 124 127 137 127 134

2012 2013 2014 2015 2016 2017 2018 2019 2020 125 128 121 121 114 112 114 118 124

2021 2022 2023 2024 2025 2026 2027 2028 - 154 160 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón									3
Izquierda Unida									2
Total									5

Alcaldes

Lista d'alcaldes

Lechislatura	Nombre	Partiu politico
1979–1983	Miguel Villanueva Alegre	Independient
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Ramón Luis Honrubia Ballester	PSOE
2015–2019
2019–2023
2023–2027	Luis Javier Catalan Villanueva	Teruel Existe

Puestos d'intrés

• Casa d'a Villa.
• Ilesia de l'Asumpción.
• Ermita de Santa María Malena.
• Ermita de Santa Isabel.

Fiestas

• La Malena, 22 de chulio.
• Sant Miguel Arcánchel, 29 de setiembre.

Vinclos externos

• http://www.fuentesderubielos.com/

• Datos: Q602657
• Multimedia: Fuentes de Rubielos / Q602657