Ir al contenido

Frontón de falla

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Frontón de falla en los Apenins.
Frontón de falla de Red Canyon formau en 1959 en Montana dimpués d'un movimiento de falla en un tierratremo.
Envista de penya Palomera, faceta trapezoidal de lo frontón de la falla de Palomera. La falla de Palomera fundió la fuesa de Xiloca en relación a sierra Palomera.

Un frontón de falla ye un escalón topografico produciu por lo movimiento relativo entre los dos bloques d'una falla.[1] L'altaria de lo frontón ye igual a la component vertical de lo salto de falla.[2]

En un frontón de falla la topografía cambia de sopetón con formas rectilinias y planas en perspectiva frontal. Los achents erosivos tienden a fer desapareixer luego las diferiencias topograficas entre lo bloque levantau y lo fundiu erosionando antes en primero, por crebar-se lo perfil d'equilibrio local.

Los cursos d'augua producen una erosión de diferent grau en lo bloque levantau, lo que produce facetas trapezoidals de falla, que asinas como abanza la erosión se converten en facetas triangulars de falla.[3]

A piet d'un frontón de falla gran y sobre lo bloque fundiu, pueden fer-se-ie ventallos aluvials, que se conservan bien en las zonas aridas.[3]

Si lo encaixamiento de lo ret fluvial (u torrencial) tiene un ritmo menor que lo levantamiento de lo bloque se formarán vals pendidas,[3] que creban lo frontón en facetas trapezoidals u triangulars vistables en alto.

Si l'efecto de la erosión sobrepuya lo ritmo de levantamiento de lo bloque lo fronton de falla desapareixerá.[3]

Referencias[editar | modificar o codigo]

  1. (es) Alain Foucault y Jean-François Raoult Diccionario de Geología. Masson, 1985. p. 103.
  2. (es) Alfonso Meléndez Hevia, Fernando Meléndez Hevia: Geología. Editorial Paraninfo, 1985, p. 210.
  3. 3,0 3,1 3,2 3,3 (es) Mateo Gutiérrez Elorza: Geomorfología. Editorial Pearson, 2008. pp 37-38.

Bibliografía[editar | modificar o codigo]

Vinclos externos[editar | modificar o codigo]

Se veiga tamién[editar | modificar o codigo]