Fringilla coelebs maderensis

*Fringilla coelebs maderensis*
Fringilla coelebs maderensis
Denominacions populars
Pinchán de Madeira
Clasificación cientifica
Dominio:	Eukaryota
Reino:	Animalia
Filo:	Chordata
Clase:	Aves
Orden:	Passeriformes
Familia:	Fringillidae
Chenero:	Fringilla
Especie:	F. coelebs
Descripción
*Fringilla coelebs maderensis* Sharpe, 1888
Distribución cheografica
Distribución cheografia de F. coelebs

Fringilla coelebs maderensis ye un chicot muixón d'a familia Fringillidae. Ye una subspecie de pinchán y ye endemico d'a isla portuguesa de Madeira, parti d'a Macaronesia en l'oceano Atlantico norte. Localment le'n diz tentilhão.

Descripción

Os machos tienen colors mas brillants que as fembras, con o peito de color rosa, o tozuelo d'una color azul grisenca y a esquena marrón verdenca. As fembras son menos espectaculars por a suya color, con o peito de color crema y a esquena marrón, encara que en os dos sexos destacan as suyas alas y a suya cola, a rayas blancas y negras. A suya largaria ye d'entre 14,5 y 16 cm.^[1]

Distribución y habitat

Ista especie de pinchán se troba nomás en a isla de Madeira, no habendo-se trobato en as atras islas de l'archipielago de Madeira. O suyo habitat natural son os monts d'a isla, mas que mas as selvas de laurisilva y atras arias a on s'han feito repoblacions con atras especies d'árbols, manimenos tamién se'n puet trobar en arias de cautivo, landas y zonas d'arbustos.^[1]

Comportamiento

Cría

A epoca de cría d'o pinchán de Madeira ye entre abril y chulio. A fembra construye os niedos a on que deixa entre cuatre y cinco uevos que incuba por un periodo de 12 a 15 días. O macho aduya a alimentar a os muixonez.^[1]