Fried Green Tomatoes

Fried Green Tomatoes
Títol	Fried Green Tomatoes
Ficha tecnica
Dirección	Jon Avnet
Dirección artistica	Larry Fulton
Producción	Jon Avnet Jordan Kerner
Disenyo de producción	Barbara Ling
Guión adaptau	Fannie Flagg Carol Sobieski
Basau en	Fried Green Tomatoes at the Whistle Stop Cafe, novela de Fannie Flagg (1987)
Musica	Thomas Newman
Fotografía	Geoffrey Simpson
Montache	Debra Neil-Fisher
Escenografía	Debra Schutt
Vestuario	Elizabeth McBride
Maquillache	Fern Buchner Rosemary Zurlo Patrice Coleman Gene Witham
Peluquería	Colleen Callaghan Cydney Cornell Judi Goodman Paul Huntley Pauletta O. Lewis
Efectos especials	Tony Bradley Tim Jones Ken Reid Larry Reid
Casting	David Rubin
Actors	Kathy Bates Mary Stuart Masterson Mary-Louise Parker Jessica Tandy Chris O'Donnell Stan Shaw Gailard Sartain Tim Scott Gary Basaraba Nick Searcy Lois Smith Cicely Tyson
Color	Panavision Color by DeLuxe
Datos y cifras
País(es)	Estaus Unius
Anyo	1991
Estreno	27 d'aviento de 1991 Estaus Unius
Chenero(s)	Cine de comedia Cine de drama
Durada	130 min.
Idioma(s)	Anglés
Companyías
Productora(s)	Avnet/Kerner Productions Electric Shadow Productions Act III Communications
Distribución	Universal Pictures
Presupuesto	11 millons de dólars
Recauto	119,4 millons de dólars
Informacions en bases de datos especializadas:

Fried Green Tomatoes (títol orichinal en anglés, en aragonés Tomates verdes freyius, estrenada en Aragón con o suyo títol traduciu enta lo castellano como Tomates verdes fritos) ye una cinta de cine estausunidense de cine de comedia dramatica estrenada l'anyo 1991, dirichida por Jon Avnet seguntes un guión adaptau por Fannie Flagg y Carol Sobieski (basau en a novela Fried Green Tomatoes at the Whistle Stop Cafe,que heba publicau la mesma Fannie Flagg en 1987). Conta con una banda sonora orichinal de Thomas Newman, una dirección de fotografía de Geoffrey Simpson, una prodcción cinematografica de Jon Avnet y Jordan Kerner ta las productoras Avnet/Kerner Productions, Electric Shadow Productions y Act III Communications y un elenco d'o cual en fan parte, entre d'atros actors, Kathy Bates, Mary Stuart Masterson, Mary-Louise Parker, Jessica Tandy, Chris O'Donnell, Stan Shaw, Gailard Sartain, Tim Scott, Gary Basaraba, Nick Searcy, Lois Smith y Cicely Tyson.

Evelyn Couch vive en Birmingham (Alabama) en os anyos 1980 y tien una autoestima bien baixa. Acompanya a su mariu Ed a visitar a una tía d'iste en una residencia d'ancianos d'a ciudat, pero la tía la fa fuera. Troba a Ninny Threadgoode, una atra interna d'a residencia, qui en ista y en succesivas visitas li charra historias d'as personas que viviban en o lugarón albandonau de Whistle Stop. Se centra en a vida d'Idgie, una mesacha d'actituz masculinas amiga de Ruth Jamison, qui heba estau a novia de Buddy, lo chirmano falleixiu d'Idgie. Ellas dos bien luego se fan amigas, pero Ruth se casa con Frank Bennett y marcha a vivir a Valdosta (Cheorchia). Pero cuan Idgie la visita tiempo dimpués, descubre que ye embarazada y que su mariu la maltracta y se leva auna atra vegada de tornada enta Whistle Stop, a on deciden ubrir un café, clamau Whistle Stop Cafe, a on contractan a Big George, qui bien luego da fama a lo local con a suya popular barbacoa. Cuan Frank plega en o lugar ta recuperar a su fillo, lo fan fuera y posteriorment desaparixe. 5 anyos dimpués troban a suya furgoneta y fan responsable a Idgie y Big George d'haber-lo asasinau, pero mosén Scroggins presenta un falso testimonio y consigue la suya absolución, y Ruth y Idgie viven chuntas dica la muerte de Ruth por un cáncer. Ninny tamién li explica que o cuerpo de Frank lo li dioron a minchar a Curtis Smoot, un "sheriff" de Cheorchia que investigó terne que terne mientres muitos anyos o destino de Frank, y que amás afirmó que yera la millor barbacoa que mai no heba minchau. Mientres o tiempo que recibía istas explicacions, que la fascinaban, Evelyn ha recuperau a suya autoestima y fa cambios en a suya vida, que afectan tamién a Ninny, que en realidat no ye so que la verdadera Idgie, que ha sobreviviu.

A cinta s'ambienta en os anyos 1920, 1930 y 1980 en Birmingham y atros puestos d'Alabama y en Valdosta (Cheorchia), y las suyas escenas se filmoron en Conyers, Decatur, Fayetteville, Juliette, Newnan, Senoia, Whitesburg y Zebulon (Cheorchia) y en Orlando (Florida).

Ye una cinta que ha reibiu bels premios y nominacions, en destacando dos nominacions a los Premios Oscar (Millor Actriz Segundaria y Millor Guión Adaptau en a suya 64^ena edición, dos nominacions a los Premios BAFTA (Millor Actriz y Millor Actriz Segundaria) en a suya 46^ena edición y tres nominacions a los Premios Globos d'Oro (Millor Cinta de Musical u Comedia, Millor Actriz de Musical u Comedia y Millor Actriz Segundaria) en a suya 49^ena edición.

Elenco

Actor	Papel	Notas
	'

Se veiga tamién

• Cine en 1991.
• Cintas de 1991.

Vinclos externos

• (en) Fried Green Tomatoes en Internet Movie Database.
• (en) Fried Green Tomatoes en l'American Film Institute Catalog de l'American Film Institute.

• Datos: Q118375