Veyer o codigo fuent de «Fricativa postalveolar xorda»

{{Ficha de fonema
 | títol       = 
 | simbolo     = ʃ
 | simbolo2    = 
 | numero afi  = 134
 | decimal     = &amp;#643;
 | unicode     = U+0283
 | xsampa      = S
 | kirshenbaum = S
 | rfe         = š
 | braille     = Braille Û.svg
 | nota1       = 
 | soniu       = Voiceless_palato-alveolar_sibilant.ogg
}}
A '''fricativa postalveolar xorda''' ye un tipo de [[consonant|soniu consonantico]] emplegau en cuantas [[luenga]]s [[Parla (lingüistica)|parladas]]. Se representa en [[idioma aragonés]] con una <[[x]]> u con <[[ix]]> como grafía mes ampla que fa compatible a pronunciación occidental sin -i- con a pronunciación oriental con -i-, que no ye por influencia catalana como comunment se piensa, y representa un [[fenomeno fonetico]] antigo relacionau con a influencia [[luengas celtas|celta]] en as luengas romances occidentals.

== Caracteristicas ==
* Ye una [[consonant fricativa]], lo que significa que o suyo soniu se chenera en a boca por as vibracions de una turbulencia causada por a corrient de l'aire forachitau.
* Ye una [[consonant central]], por lo que se produce por a dirección de fluxo d'aire a traviés de una canal en o centro d'a luenga, y asinas se diriche l'aire dica os cantos d'os dients, causando una turbulencia d'alta frecuencia.
* O suyo tipo de fonación ye [[consonant xorda|xorda]], lo que significa que se produce sin vibracions d'as cuerdas vocals. Cuan as cuerdas vocals sonan, alavez se fa una [[fricativa postalveolar sonora]].
* Ye una [[consonant oral]], lo que significa que se permite que l'aire escape a traviés d'a boca, no por o naso.

==Presencia==
=== Orichens ===
Lo suyo orichen puet estar:

* A '''X''' [[latín|latina]], que se pronunciaba /KS/:
** ''BUXUS > ''buixo''
* O grupo [[latín|latino]] '''-SK-''':
** ''COGNOSCERE'' > ''conoixer''
** ''ASKIATA > ''(i)xata''
* O grupo [[latín|latino]] '''PS''':
** ''IPSE'' > ''ixe''
* O grupo [[latín|latino]] '''-SSY-''':
** ''BASIARE'' > ''baixar''
** ''PASSERE'' > ''paixaro''
** ''PISSIARE'' > ''pixar''
* Poquismos casos a partir d'a S- inicial, que en cheneral se conserva:
** ''SURDUS'' > ''xordo''
* En este zaguer caso s'ha de parar cuenta que ye una fosilización d'o [[prefixo ex-]] latín como en:
** ''[[Xarmiento]]'', derivau probable d'o verbo *''EX-SARMENTARE''.
** ''[[Xartica]]'', derivau probable d'o verbo *''EX-ARTICARE''.

===En aragonés===
L'orichen d'o fonema prepalatal fricativo xordo en [[Idioma aragonés|aragonés]] coincide en cheneral con atros idiomas d'arredol y puet tener as realizacions [ʃ], [iʃ], [i̯ʃ] y [tʃ], podendo estar representau tanto por o digrafo <[[ix]]> como por a letra u grafema <[[x]]><ref>{{an}} [https://academiaaragonesadelalengua.org/sites/default/files/ficheros-pdf/ortografia-de-laragones_web_an.pdf Ortografía de l'aragonés]. [[Academia Aragonesa d'a Luenga|AAL]]</ref>: ''ixambre'' ~ '''''x'''ambre'' ([i’ʃambɾe] u [‘ʃambɾe]), ''ca'''ix'''a'' ~ ''ca'''x'''a'' ([’kai̯ʃa] u [’kaʃa]).

Ixa ''i'', que se produce en a zona oriental, no ye un [[catalanismos en aragonés|catalanismo]] fonetico como s'ha dito, pos en [[idioma mozarabe|mozarabe]] toledano tamién se deciba ''faisa'' (faxa) y en [[idioma francés|francés]] se diz ''laiser'' (''deixar'').

En o dialecto [[aragonés semontanés|semontanés]] y un poquet en atros se produce o fenomeno de [[cheada]], lo fonema prepalatal fricativo xordo s'ha perdiu (dependendo d'as palabras) y en cuenta d'este fonema s'emplega lo [[Africada postalveolar xorda|fonema prepalatal africau xordo]], que se representa graficament por '''[[ch]]'''. Seguntes a [[grafía de Uesca]] en estos casos s'ha d'escribir -x- encara que se pronuncie -ch-, fueras d'os casos en que se quiera expresar la pronunciación real.

Seguntes a [[grafía de Uesca]] ixa ''i'' no s'ha d'escribir fueras d'os casos en que se quiera expresar la pronunciación real (lo que se fa n'esto ye lo contrario que en [[Idioma catalán|catalán]], on s'escribe encara que los parlants orientals no la pronuncien). A grafía de l'[[AAL]] recomienda por contra escribir-la siempre, fuera d'o caso de textos dialectals en que se quiera marcar explicitament la pronunciación sin a semivocal.

==== Xeada ====
{{articlo principal|xeada}}
A [[xeada]] ye l'adaptación d'una palabra cambiando un fonema por -x-; ye una palabra presa de lo [[Idioma gallego|gallego]] paralela a ''[[gheada]]''. Este fenomeno fonolochico lo trobamos en [[galicismos en aragonés|galicismo]]s, [[occitanismos en aragonés|occitanismo]]s y [[castellanismos en aragonés|castellanismo]]s.

Bi ha fonema prepalatal fricativo xordo en [[galicismos en aragonés|galicismo]]s que han plegau ta bella val [[Pireneus|pirenenca]] ('''''x'''endarme'') y que representan l'adaptación mas pareixida de lo fonema [[Fricativa postalveolar sonora|prepalatal fricativo sonoro]] de lo [[idioma francés|francés]] (on ye '''''g'''endarme''), lo mesmo que pasaba en [[aragonés medieval]] con la trascripción de bel toponimo castellano u catalán que teneban ixe fonema (lo toponimo catalán ''[[Penyarroya de Tastavins|Pena-Roja]]'' s'escribió ''Penyarro'''x'''a'' en lo [[fogache de 1495]]).
 
A xeada s'ha convertiu en una traza incorrecta de traducir u adaptar palabras a l'aragonés por parte de bel neoparlant sin parar cuenta en a verdadera [[fonetica aragonesa]], y mesmo en os primers libros escritos en defensa de l'aragonés se podeba veyer escritas adaptacions con xeada como ''Alfaxarín'', que ye [[Alfacharín]] en aragonés y ye escrito en os textos medievals con a lochica ''j'' u ''i'' en cuenta de con ''x''.

==== Representación en as grafías medievals ====
En os textos medievals aragoneses, primero en latín y dimpués en romance [[aragonés medieval|aragonés]] s'ha representau en cheneral como x, pero tamién de muitas atras trazas, ''yx'', ''ix'', ''ss'', ''is'', ''sc'', ''ç'', de belunas d'estas en da noticia [[Manuel Alvar]] en lo suyo libro ''"Estudios sobre el dialecto [sic] aragonés"'' en o capítol dedicau a las grafías d'os textos en latín notarial aragonés:
* ''ix'': ''peixón'', ''aixadero'', ''leixar''.
* ''yx'': ''deyxastes''.
* ''sc'': ''Scavierri'', ''Escabierri'', ''fasca'', ''Scemenones'', ''Scemeno'', ''Escaberri'', ''Frascino'', ''Scemenonis'', ''Scemena'', ''Uso'', etc...
* ''is'': ''kaisal'', ''aisaricum'', ''aisada'', ''aisadero'', ''bais'', ''faisa'', ''faisina'' y ''faiso''. Talment n'estos casos siga una grafía influita por a grafía occitana.
* ''ss'': ''Artasso'', ''Frasseneto'', ''Artasso'', ''Cassar'', ''Esseie'', ''vassiella'' y ''issida'', en poquismas vegadas.
* ''s'': de fueras de bel caso de ''Artasona'', ''Frasenatello'', ''esida'', ''asadero'' queda redueita a los derivaus de ''Ximeno'' como ''Semen'', ''Semenez'', ''Simeno'', ''Semenones'', que se veyen a sobén por ser nombres comuns en os textos medievals aragoneses.
* ''sc'': ''Excemenones''.
* ''si'': ''Xiarg'', que s'explica como grafía por metatesi de ''is''.
* ''c'', ''ç'', ''sç'', ''sz'', ''xs'', ''z'': ''[[Exeya d'os Caballers|Eçeia]]'', ''Sçauerrilatre'', ''azsada'', ''Saxsa'', ''laxso'', ''[[Xalón|denzalon]]'', muito rarizas.

===Eixemplos en diferents luengas===
{| class="wikitable" 
! colspan="2" | Idioma !! Palabra !! [[Alfabeto Fonetico Internacional|AFI]] !! Significau !! Notas
|-
| colspan="2" | [[Idioma alemán|Alemán]] || '''sch'''ön || {{IPA|[ʃøːn]}} || ''poliu'' || Se veiga [[fonetica de l'alemán]]
|-
| colspan="2" | [[Idioma anglés|Anglés]] || '''sh'''eep || [[:File:En-uk-a_sheep.ogg|{{IPA|[ˈʃiːp]}}]] || ''uella'' || Se veiga [[fonetica de l'anglés]]
|-
| colspan="2" | [[Idioma aragonés|Aragonés]] || bui'''x'''o || {{IPA|['bui̯ʃo]}} || ''buixo'' || Se veiga [[fonetica de l'aragonés]]
|-
| colspan="2" | [[Idioma basco|Basco]] || kai'''x'''o || {{IPA|[kajʃ̺o]}} || ''ola'' || Se veiga [[fonetica d'o basco]]
|-
| colspan="2" | [[Idioma catalán|Catalán]] || '''x'''ai || {{IPA|[ʃai]}} || ''ternasco'' || Se veiga [[fonetica d'o catalán]]
|-
| colspan="2" | [[Esperanto]] || '''ŝ'''elko || {{IPA|[ˈʃelko]}} || ''lasticos''|| Se veiga [[fonetica d'o esperanto]]
|-
| colspan="2" | [[Idioma francés|Francés]] || '''ch'''er || [[:File:Fr-cher.ogg|{{IPA|[ʃɛʁ]}}]]|| ''caro''|| Se veiga [[fonetica d'o francés]]
|}

==Referencias==
{{listaref}}

== Se veiga tamién ==
* [[Oclusivas xordas intervocalicas]].

== Bibliografía ==
*{{es}} [[Miguel Angel Pallarés]]: ''Papeleros genoveses en la Zaragoza bajomedieval''. Revista Zurita 67-68.
*{{es}} [[Joan Veny]]: ''Contacte i contraste de llengues i dialectes''. Biblioteca de lingüística catalana.
*{{es}} [[Juan Zonaras]]: ''Libro de los emperadores.'' (Versión aragonesa del compendio de historia universal patrocinada por Juan Fernández de Heredia). Larumbre Clásicos aragoneses.
*{{es}} [[Manuel Alvar]]: ''Estudios sobre el dialecto aragonés.'' Institución Fernando el Católico. ([[1987]]).

{{Control d'autoridaz}}

[[Categoría:Consonants fricativas|Postalveolar xorda]]
[[Categoría:Consonants xordas|Fricativa postalveolar]]
[[Categoría:Consonants postalveolars]]
[[Categoría:Fonemas de l'aragonés]]