Fricativa palatal sonora

Fricativa palatal sonora
ʝ
Codificación
N° d'orden en l'AFI:	139
Entidat (dec):	ʝ
Unicode (hex):	U+029D
X-SAMPA:	j\
Braille:
Soniu
{{{nota1}}}

A fricativa palatal sonora ye un soniu consonantico present en bellas luengas parladas. En l'AFI iste soniu se denota con o signo [ʝ] y o suyo equivalent en X-SAMPA ye j\.

Caracteristicas

• Ye una consonant fricativa, lo que significa que parti d'o suyo soniu ye produciu por una turbulencia d'aire; no nomás con as cuerdas vocals.
• O suyo punto d'articulación ye palatal, lo que significa que s'articula metendo a parti meya u posterior d'a luenga contra o paladar richido.
• Ye un fonema sonoro, lo que significa que as cuerdas vocals vibran mientres l'articulación d'o fonema.
• Ye una consonant oral, lo que significa que se permite que l'aire eslampe a traviés d'a boca y no a traviés d'o naso.
• Ye una consonant central, lo que significa que se produce deixando pasar l'aire sobre o centro d'a luenga y no pas por os cantos.
• O suyo mecanismo de fluxo de l'aire ye egresivo pulmonar, lo que quiere decir que s'articula exhalando aire dende os polmons, como a mayoría de sonius.

Presencia

En aragonés

En aragonés existe iste fonema y se representa con o grafema <y> en todas as suyas realizacions: ye ([ʝe]), ya ([ʝa]), yo ([ʝo]), yabos (['ʝaβos]), yera (['ʝera]), bayo (['baʝo]), mayo (['maʝo]), suyo (['suʝo]), aduya ([a'ðuʝa]), gayata ([ga'ʝata]), paseyo ([pa'seʝo]), veyer ([be'ʝer]), muyiba ([mu'ʝjβa]), trayeba ([tra'ʝeβa]), fuyir ([fu'ʝjr]), pueyo (['pweʝo]), naya (['naʝa]).

Por razons morfolochicas y como excepción, s'escriben con <i> as variants d'o pronombre adverbial i/bi/ie, tanto en posición proclitica como enclitica: i eba (['ʝeβa]); meter-ie ([me'teʝe]).

S'escribe la secuencia <hi> por razons etimolochicas, tanto si se pronuncia como consonant /ʝ/ u como semiconsonant palatal [j]: hiato (['ʝato]), hialino ([ʝa'lino]), hialuronico ([ʝaluro'niko]), hierba ([ʝe'rβa]), hiedrera ([ʝe'ðrera]), hiena (['ʝena]), hieratico ([ʝera'tiko]), hiogloso ([ʝo'ɣloso]), ahier/ahiere ([a'ʝer]/[a'ʝere]). En termins con una consonantización consolidada, se permite a escritura con <y>: yerba, ayer.

Eixemplos en diferents luengas

Idioma		Palabra	AFI	Significau	Notas
Alemán		Jacke	[ˈʝäkə]	chaqueta	Se veiga fonetica de l'alemán
Aragonés		aduya	[a'ðuʝa]	aduya	Se veiga fonetica de l'aragonés
Castellano		sayo	[baj]	sayo	Se veiga fonetica d'o castellano
Catalán	Balear	figuera	[fiˈʝeɾə]	figuera	Se veiga fonetica d'o catalán
Italiano	Meridional	figlio	[ˈfiʝːo]	fillo	Se veiga fonetica de l'italiano
Neerlandés		ja	[ʝaː]	sí	Se veiga fonetica d'o neerlandés
Ruso		яма	[ˈʝämə]	clot	Se veiga fonetica d'o ruso

Referencias

• Datos: Q578601