Frent Nacional d'a Republica Democratica Alemana

De Biquipedia
Ir ta: navego, busca

O Frent Nacional d'a Republica Democratica Alemana (en alemán: Nationale Front der Deutschen Demokratischen Republik u NF), que dica 1973 s'heba denominau como Frent Nacional d'Alemanya Democratica (en alemán: Nationale Front des Demokratischen Deutschland), estió un frent popular conformau por partius politicos y organizacions de masas d'a Republica Democratica Alemana que existió en o país entre 1950 y 1990. O NF estió dominau prencipalment por o Partiu Socialista Unificau d'Alemanya, y a coalición presentaba una sola lista a las eleccions a la Volkskammer (Camera d'o Pueblo).[1]

Historia[editar | editar código]

O Frent Nacional estió o sucesor d'o Demokratischer Block, que heba estau fundau en 1946 en a Zona d'ocupación sovietica como un Frent Popular an que s'agrupaban os partius "anti-faixistas" toleraus por as autoridatz sovieticas. O Frent de vez heba estau fundau o 30 de marzo de 1950. Funcionó a traviés d'o reparto d'una quota de cadieras en a Volkskammer (dividius entre os partius d'o Frent y organizacions de masas controladas por o SET), presentando posteriorment una lista sola de candidatos en cada elección a la Camera d'o Pueblo y sobre a base d'una quota pre-establida en cuenta de a traviés d'o total de votos.[2][3] Como a lista d'o Frent Nacional yera a sola que se presentaba, gosaba "ganar" con libels d'emparo practicament unanime.[4]

Encara que nominalment yera una coalición d'amplia base, en a practica o SET yera l'unico con verdadero poder real y en asegurar-se que os comunistas dominaban as listas, yera o SET esencialment qui predeterminaba a composición d'a Camera d'o Lugar.

Pabellón d'o Frent Nacional en Leipzig, 1953.

En 1950-1951, o refus publico d'a validez d'as listas por parte de qualques politicos alemans remató con penas de prisión por "refusar a lei electoral d'a Republica Democratica Alemana" (como estió o caso d'o lider d'o LDPD, Günther Stempel). Esmediaus os anyos 50 os sectors mas "rebeldes" d'os partius miembros d'a coalición ya heban estau reducius u feitos fuera.

L'1 d'aviento de 1989, o Frent se quedó practicament impotent quan l'Asambleya Popular suprimió a disposición d'a Constitución d'a RDA que concedeba a o SET o monopolio d'o poder.[5] Quatro días mas tarde, a Unión Cristiano Democrata y o Partiu Liberal Democratico, habendo feito fuera a os suyos liders pro-comunistas, abandonoron a coalición. O 16 d'aviento o SET estió reformau internament y se reconvirtió en o Partiu d'o Socialismo Democratico, una nueva formación que se distanció fundament d'as politicas d'o SET y se denominó a ell mesmo como un partiu de socialismo democratico. O 20 de febrero de 1990 una reforma d'a Constitución de l'Alemanya oriental eliminó a mención a o Frent, desapareixendo definitivament.[6]

Partius constituyents[editar | editar código]

  • Partiu Socialista Unificau d'Alemanya (Sozialistische Einheitspartei Deutschlands, SET)
  • Unión Democrata Cristiana d'Alemanya (Christlich-Demokratische Union Deutschlands, CDU)
  • Partiu Liberal Democratico d'Alemanya (Liberal-Demokratische Partei Deutschlands, LDPD)
  • Partiu Democratico Labrador d'Alemanya (Demokratische Bauernpartei Deutschlands, DBD)
  • Partiu Nacional Democratico d'Alemanya (National-Demokratische Partei Deutschlands, NDPD)

Organizacions de masas constituyent[editar | editar código]

Acto d'o FDGB dentro d'o "Frent Nacional".
Acto d'a Choventut "Pionera", 1949.
Organizacions de masas con representación en a Volkskammer
  • Federación Alemana de Sindicatos Libres (Freier Deutscher Gewerkschaftsbund, FDGB)
  • Liga de Mullers Democraticas d'Alemanya (Demokratischer Frauenbund Deutschlands, DFD)
  • Choventut Libre Alemana (Freie Deutsche Jugend, FDJ)
  • Asociación Cultural d'a RDA (Deutsche Kulturbund, KB)
  • Asociación d'Aduya Mutua Labradora (Vereinigung der gegenseitigen Bauernhilfe, VdgB)
Atras organizacions y asociacions[7]
  • Cruz Roya Alemana d'a RDA (Deutsches Rotes Kreuz der DDR, DRK)
  • Asociación ta l'Amistat Chermano-Sovietica (Gesellschaft für Deutsch-Sowjetische Freundschaft, DSF)
  • Solidaridat popular (Gesellschaft für Sport und Technik, GST)
  • Organización de Pioners Ernst Thälmann (Pionierorganisation Ernst Thälmann, TP)
  • Asociación pa o Esporte y a Tecnolochía (Gesellschaft für Sport und Technik, GST)
  • Asociación d'Escritors d'a RDA (Schriftstellerverband der DDR)
  • Domowina (Liga de Sorbios)

Se veiga tamién[editar | editar código]

  • Gubierno y politica d'a Republica Democratica Alemana
  • Historia d'a Republica Democratica Alemana

Referencias[editar | editar código]

  1. Jean Solchany (2003); L'Allemagne au XXe siècle: entre singularité et normalité, Presses universitaires de France, pág. 407
  2. Eugene Register-Guard, pág. 5 (23 de octubre de 1989)
  3. Anjana Buckow (2003); Zwischen Propaganda und Realpolitik: die USA und der sowjetisch besetzte Teil Deutschlands 1945–1955, Franz Steiner Verlag, pág. 215
  4. Kurt Sontheimer & Wilhelm Bleek (1975); The Government and Politics of East Germany.
  5. François Fejtö (1992); La Fin des démocraties populaires, Ed. Seuil, pág. 285
  6. Peter E. Quint (1997); The Imperfect Union: Constitutional Structures of German Unification, Princeton, N.J.: Princeton University Press, pág. 37
  7. Kleines Politisches Wörterbuch, Neuausgabe 1988, Dietz Verlag, Berlin Este, 1989, pág. 660

Vinclos externos[editar | editar código]