Fogueta
A fogueta[1] u nuca[1] (d'o latín nucha), tamién retozuelo[1][nota 1], tozo[1][nota 2], bofola[1] u cocote[1][nota 3], ye a parti posterior d'o cuello. En anatomía topografica, la delimitan por alto una linia que pasa por l'occipucio (protuberancia d'o ueso occipital) y por abaixo una atra que pasa por l'apofisi espinosa d'a setena vertebra cervical (que fa un bulto por a parti baixa d'o cuello por dezaga). O escleto d'a fogueta ye formato por as vertebras cervicals, que son recubiertas por numerosos musclos disposatos en diferents plans musculars.
En muitos mamifers, a fogueta ye un puesto a on que a piel d'o cuello ye laxa, una zona poco sensible d'a piel ta que a mai pueda portiar as suyas crietas, mantenindo o cuello entre os dients.
A foya que se fa en a zona d'a fogueta entre os musclos posteriors d'o cuello se conoixe como foyeta, por lo que a vegadas istos dos termins s'entivocan.
Notas
[editar | modificar o codigo]Referencias
[editar | modificar o codigo]- ↑ 1,0 1,1 1,2 1,3 1,4 1,5 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
Vinclos externos
[editar | modificar o codigo]
| Partis d'o cuerpo humán | |||||||||||
|---|---|---|---|---|---|---|---|---|---|---|---|
| |||||||||||
