Fiestas de San Blas y Santa Águeda (Mequinenza)

De Biquipedia
Ir a la navegación Ir a la búsqueda

Las Fiestas de Sant Blas y Santa Águeda ye una celebración d'o municipio de Mequinenza en a provincia de Zaragoza, comunidat autonoma d'Aragón que consiste en una festividat que forma parte d'a tradición historica d'a localidat per la suya antiguidat y continuidat a traviés d'o tiempo y per la orichinalidat y diversidat d'os suyos actos, convertindo-se en un fenomeno turistico con gran atracción de visitantes​. I hai constancia de mas de 300 anyos de celebración, con una activa participación d'a población local tanto en as celebracions relichiosas como festivas. Estas fiestas incluyen actos singulars como la entrega d'a gayata de mando, los concursos de disfraces (tanto infantil como de adultos) asinas como la elaboración d'a "coca" y lo "pa beneït". Tienen puesto entre la primera quincena de febrero, son consideradas como las fiestas d'hibierno d'a localidat y dende 2018 gozan d'a reconoixencia de Fiestas d'Interés Turistico de Aragón.

Orichen y historia[editar | editar código]

Existe constancia d'a lo menos tres sieglos de celebración de Sant Blas y Santa Águeda en Mequinenza, una tradición que s'accentuó quan, con a construcción d'o embalse de Riba-roya en os anyos 70, lo Lugar Viello quedó baixo lo río Ebro y lo nuclio urbano d'a localidat se tenió que tresladar a la suya actual ubicación a pocos kilometros ameras alto, a canto d'o río Segre. Historicament, la procesión de Sant Blas correba a cargo d'os hombres y la de Santa Águeda a las mullers, pero la evolución natural d'a tradición ha conllevado que en l'actualidat las Comisions de Sant Blas y Santa Águeda sían exclusivament formadas per mullers que adquieren un protagonismo especial entre los días de celebración. Sant Blas y Santa Águeda prenioron relevancia entre lo franquismo, ya que si bien yera prohibiu disfrazarse, Mequinenza continó desafiando la prohibición imposada per las autoridatz, un feito que fomentó encara mas lo arraigo popular y lo caracter singular d'a tradición.

Festividat[editar | editar código]

A festividat s'encieta con la entrega d'a Gayata de Mando a las Comisions de Santo Blas y Santa Águeda, pa continar o día 3 de febrero con as celebracions relichiosas de Santo Blas y o día 5 con as de Santa Águeda. A chornada concluye con os conoixius concursos de disfraces artesanals pa chicotz y mayors, a la vegada que diversas y coloridas rúas recorren a población acompanyadas de mosica en directo. Entre as celebracions s'elaboran “coques”, un dulce tipico tradicional a pur de aceite, farina y augua, a la quala s'adhibe un ingrediente secreto que conoixe solament cada Comisión. O proceso d'elaboración de “coques” se transmite de cheneración en cheneración a traviés d'as integrantes d'a Comisión de Santo Blas y Santa Águeda.

Tradición, fiesta y color s'unen entre as fiestas, emplindo a población entre istos días de visitantes nacionals y extranchers atraitos por a gran espectacularidat d'os disfraces feitos a man. Os grupos desfilan por as carreras d'a localidat disfrazados con atuendos de personaches historicos, imachinarios u de ficción a ritmo de mosicas variadas. Os treballos d'elaboración d'os disfraces s'encietan meses antes d'a festividat con un intenso treballo feito completament a man, fruto d'a creyatividat y o ingenio en o qual s'implica toda a población. A festividat de Santo Blas y Santa Águeda ye a expresión d'o esfuerzo colectivo y a expresión artistica de toda a población de Mequinenza, asinas como una seña d'identidat y referent en toda a Comarca d'o Baixo/Baix Cinca.

Referencias[editar | editar código]

Vinclos externos[editar | editar código]