Fierro de paúl
O fierro de paúl ye un sedimento de fierro propio d'as paúls y estanyos de latitutz altas y representa o solo medio actual a on se pueden formar acumulacions significativas de fierro. Consiste en precipitatos amorfos con estructuras ooliticas, pisoliticas, concrecions u masas terrosas a on predomina a goethita, y en menos mesura siderita, a vegatas tamién vivianita. A sobén bi ha tamién cantidatz variables d'oxidos de manganés (1%-40 %).
Estos precipitatos quimicos se forman quan as auguas freaticas acidas penetran en estanyos oxichenaus y paúls, a puyada d'o pH y eH fa que o fierro ferroso precipite como hidroxido ferrico.
En a Edat de Fierro europea s'espleitaba este tipo de chacimientos, y en o "Kalevala" se diz que os lenyadors trobaban o fierro seguindo as pisadas d'os lupos en as paúls.[1]
Referencias[editar | modificar o codigo]
- ↑ Historia Universal. Tomo 1 Los orígenes Editorial Salvat, 2004, pp371