Festuca eskia

*Festuca eskia*
Festuca eskia
Denominacions populars
alambrio, siso
Clasificación cientifica
Reino:	Plantae
División:	Magnoliophyta
Clase:	Liliopsida
Subclase:	Commelinidae
Orden:	Poales
Familia:	Poaceae
Subfamilia:	Pooideae
Tribu:	Poeae
Chenero:	Festuca
Especie:	Festuca eskia
Descripción
Festuca eskia Ramond ex DC.,
Distribución cheografica
Distribución de Festuca eskia

L'alambrio^[1] u siso^[1] (nombre cientifico Festuca eskia) ye una especie de planta graminia d'o chenero Festuca endemica d'os Pireneus. Nomás plega ta os 15 cm de alzada, pero s'estendilla dica os 25 cm y forma un atractivo coixín de fuellas aciculars arizadas de color verda fosca. As cabezuelas florals son delgadas y cabicachas, salen en verano.

Descripción

Ye una planta vivaz de 20 a 50 cm de altaria, ciespitosa cual floración coincide con o verano y a polinización se fa por o viento. As suyas fuellas, d'un verde brilant a glaucas, son rolladas como en os chuncos, gruesas (1 a 1,5 mm) y punchants. As fuellas basals son muit luengas, a sobén acorcovadas, lisas y glabras. A suya ligula ye muit luenga (4 a 7 mm) y a sobén achordonada. As flors son tacadas de verde, d'amariello y de vrioleta en panicula, estando o suyo tallo fixau aisladament u por binomio. As espiguiellas son prou luengas (de 8 a 10 mm) y tienen de 5 a 8 flors. As glumas son desiguals. As glumelas inferiors son lanceoladas y muit membranosas. Levan 5 niérvols paralelos prolongaus por una curta punta u una interrupción. O tronco forma igualment una multitut de rebrotes estérils salindo-ne d'as vainas inferiors, iste fenomen se diz «innovación extravachinal».^[2]

Distribución cheografica

Festuca eskia ye muit común en os Pireneus franceses y espanyols, d'a on ye un endemismo y en a cordelera Cantabrica. Ye present dende a cima d'o piso colino dica o piso alpino, de 500 a 3000 m d'altaria. Istas caracteristicas en fan una orofita endemica pirenenca.^[2]

Referencias

1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
1 2 Flore forestière française Montagne; JC Rameau, D.Mansion G.Dumé, IDF, 1989

Datos: Q3070872
Multimedia: Festuca eskia / Q3070872
Especies: Festuca eskia

[DACC-1] 1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[Rameau-2] 1 2 Flore forestière française Montagne; JC Rameau, D.Mansion G.Dumé, IDF, 1989

[1]

[2]