Veyer o codigo fuent de «Ferrocarril de la val de Zafán»

{{Grafía EFA}}
[[Imachen:Gare la puebla.jpg|200px|thumb|Gara de la Puebla d'Íxar.]]
Lo '''ferrocarril de la val de Zafán''' estió un [[ferrocarril]] que teneba un recorrito entre [[La Puebla d'Íxar]] ([[Aragón]]) y [[Tortosa]] ([[Catalunya]]), pasando por [[Alcanyiz]]. Prene nombre d'una [[val con fondón plan]] que bi ha en los termins municipals de [[La Puebla d'Íxar]] y d'[[Exatiel]] y que desemboca en lo río [[río Martín|Martín]], a dita [[val de Zafán]].

== Historia ==
Lo ferrocarril de la val de Zafán feba part d'un prochecto mes ambicioso que nunca no fue completato. Los primers prochectos d'un ferrocarril entre lo puerto de [[Sant Carles de la Ràpita]] y [[la Puebla d'Íxar]] son de [[1863]]. La ideya de fer este ferrocarril talment tenese una función militar: dicen{{Falta fuent}} que los militars creyeban en la posibilidat d'una invasión procedent dende [[Francia]]. En caso d'una invasión francesa, dimpués de la barrera natural de los [[Pireneus]] los franceses habrían de ser aturatos en atra barrera natural, la barrera de l'[[Ebro]], y un ferrocarril construito en la marguin dreita podría fer-se servir para ninviar tropas y suministros a tot ixe frent.

Las obras tardoron en encomenzar, dica que, en [[1891]] la ''[[Compañía del Ferrocarril del Val de Zafán]]'' encomenzó las obras d'explanación. Lo primer trampo, de 32 [[km]] entre [[La Puebla d'Íxar]] y [[Alcanyiz]], s'inauguró en [[1895]]. Lo trazato de la linia ferria curiosament no pasaba amán de lo lugar mes gran, [[Íxar]], on no yera de lo intrés de la dreita local.{{Falta fuent}} Lugars mes chicoz como [[La Puebla d'Íxar]] conoixioron gracias a lo ferrocarril un mayor desembolique industrial (con fabricas como por eixemplo ''La Azucarera''), y l'arribata de nuevas ideyas y ideyolochías comuns en las ciudaz d'ixas envueltas como l'[[anarquismo]]. Ixa modernidat no arribó, manimenos en [[Sant Per de Calanda]], que continó estando un lugar d'economía rural, encara que este lugar ninviaba los excedents de población a traviés d'esta vía.{{Falta fuent}}

En la [[batalla de l'Ebro]] la linia tenió un important papel lochistico. La prolongación de la linia dica [[Tortosa]] remató en [[1942]], con man d'obra esclava (prisioners de guerra republicans). Lo [[caciquismo]] influyó muito en lo trazato d'esta part de la linia, que evitaba pasar por los nuclios habitatos de lugars grans como [[Val de Robres]], on los grans terratenients no veyeban con buenos uellos una linia ferria que dase atras oportunidaz laborals a los treballadors.{{Falta fuent}} La explotación fue adchudicata dende o principio a [[Red Nacional de los Ferrocarriles Españoles|Renfe]].
 
Nombres populars que ha tenito han estato ''el Sarmentero'' (lo [[Baixo Martín]] estió una zona de vinyers enantes d'una plaga de filoxera), y ''Lo Banyero''.

Con 31 anyos de funcionamiento, no remató a fer-se o zaguer tramo, entre [[Tortosa]] y [[Sant Carles de la Ràpita]], a penar d'haber-se construito tota la explanación. En [[1971]] una sulsita en un túnel entre las estacions de lo [[Pinell de Brai]] y [[Prat de Comte]] estió a excusa que fació servir l'administración pa suprimir esta linia ferria o [[17 de setiembre]] de [[1973]]. Se diz que empresas locals d'autobuses contribuyoron a presionar pa que se cerrase.{{Falta fuent}}

== Estato actual ==
Lo trazato de lo ferrocarril ye aproveitato actualment como [[vía verde]] entre Lo [[Baixo Aragón]] y las [[Tierras de l'Ebro (Catalunya)|Tierras de l'Ebro]] de Catalunya. Se divide en diferents tramos: uno por la cuenca de lo [[río Guadalop|Guadalop]] (comarca oficial dita [[Baixo Aragón (comarca)|Baixo Aragón]]), atro por la comarca de lo [[Matarranya]], 46&nbsp;km por la [[Tierra Alta]], continando por lo [[Baixo Ebro]]. Manimenos, ye prevista l'adaptación de lo historico puent de lo sieglo XIX de lo ferrocarril de Tortosa, y la prolongación de la [[vía ferria|vía]] dica lo [[Parque natural de lo delta de l'Ebro]]. D'esta traza quedarán comunicatos por la [[vía verde]] lo [[Parque natural de los Puertos de Beceit]] con la desembocadura de l'[[Ebro]].

'''Lo recorrito (110&nbsp;km):'''

Alcanyiz - [[Val d'Algorfa]] (túnel de 2.136 m) -[[Val Chunquera]]/Valljunquera - [[Val del Tormo]]/la Vall del Tormo - Estación d'[[Arnes]] y [[Ledón]]/Lledó - [[Horta de Sant Joan]] - [[Bot]] - [[Prat de Comte]] - ''La Fontcalda'' - Estación de [[Lo Pinell de Brai]] - [[Benifallet]] - Estación de [[Cherta]] - [[Aldover]] - [[Roquetes]] y Tortosa.

== Curiosidaz ==
* Lo grupo musical tortosín "[[Quico el Célio, el Noi i el Mut de Ferreries]]" dedicó una canción a esta linia ferria, como critica a las limitatas infraestructuras que bi ha en las Tierras de l'Ebro.
* D'alcuerdo con o periodista y investigador d'o paranormal [[Sebastià-Daniel Arbonés Subirats]] lo ferrocarril de la val de Zafán estió un ferrocarril maldato.{{Falta fuent}}

== Vinclos externos ==
* {{es}} [https://web.archive.org/web/20100619211518/http://paginespersonals.upcnet.es/~jmg41/PonenciaIIICongrescastella.pdf ''La construcción del ferrocarril de Val de Zafán a Sant Carles de la Ràpita entre 1880 y 1906'']; ponencia de Josep Antoni Moreno presentata en lo III Congreso de Historia Ferroviaria que se fació en [[Xixón]] en septiembre de 2003.
* [http://www.mefeedia.com/watch/29748008 Canción dedicata a lo ferrocarril de la val de Zafán por Quico el Célio, el Noi i el Mut de Ferreries]

{{Control d'autoridaz}}

[[Categoría:Baixo Aragón]]
[[Categoría:Baixo Martín]]
[[Categoría:Ferrocarril en Catalunya]]
[[Categoría:Linias ferrias d'Aragón]]
[[Categoría:Linias ferrias desapareixidas|Val de Zafan]]
[[Categoría:Matarranya]]