Fernando Sancho
| Fernando Sancho | |
|---|---|
 Fernando Sancho fendo Sancho en Una pistola per Ringo (1965). | |
| Información personal | |
| Nombre real | Fernando Sancho Les |
| Calendata naiximiento: | 7 de chinero de 1916 |
| Puesto naiximiento: |  Zaragoza (Comarca Central, Aragón)
|
| Calendata muerte: | 31 de chulio de 1990 |
| Puesto muerte: |  Madrit (Comunidat de Madrit, Espanya)
|
| Ocupación: | Actor |
Fernando Sancho Les, naixiu lo 7 de chinero de 1916 de Zaragoza (Comarca Central, Aragón) y muerto en Madrit (Comunidat de Madrit) o 31 de chulio de 1990, estió un actor, actor de voz y de radio aragonés, activo en o mundo d'o cine espanyol (y dimpués internacional) dende primerías d'os anyos 1940 dica primerías d'os anyos 1990.
Estudió bachillerato en os Chirmans Maristas d'a suya ciudat natal. Treballó en a vidrera d'o suyo pai, anque chunto a lo suyo chirmán Emilio tamién parteciporon en o teatro y en o cine.
Mientres a Guerra Civil Espanyola estió alférez provisional en o bando sublevau, estando ascendiu a tenient d'o cuerpo d'a Policía Armada. Destinau en Barcelona, inició la suya carrera radiofonica, a on imitaba diversos accentos foranos, ta dimpués prener parte tamién en o mundo d'o doblache.
Dimpués d'a suya primer cinta, Polizón a bordo (1941), plegó Orosia (1943), iniciando-se la suya carrera cinematografica. A Fernando Sancho se le conoxió mas que mas por os suyos cuantismos papels en spaghetti westerns, bel uns dirichius por Ignacio F. Iquino y protagonizaus por Richard Harrison. a ormino actuaba no pas como protagonista, so que como bandiu mexicano carismatico. Ye posible que garra atro actor haiga interpretau tantas vegadas ixe tipo de papel. Fuera d'o estudio, pareixe estar que yera una persona con cultura y una mica alforrocho que conseguió lo carinyo d'o publico.
Tamién actuó en cualques grans produccions d'o cine estausunidense como actor segundario, como en King of Kings (1961), Lawrence of Arabia (1962) y en 55 Days at Peking (1963).
Sancho tamién actuó en tres cintas realizadas sobre obras de Karl May, Die Sklavenkarawane (Die Sklavenkarawane, 1958) y Der Löwe von Babylon (Der Löwe von Babylon, 1959), todas dos vegadas como lo profesor Ignaz Pfotenhauer, y en 1965 en Durchs wilde Kurdistan (Durchs wilde Kurdistan) como Padishá.
En os anyos 1960 y 1970, actuó en cuantas cintas de cine de terror espanyolas. Un d'os suyos millors papels lo realizó en El ataque de los muertos sin ojos, dirichida por Amando de Ossorio y con l'actor Frank Braña. En 1977, partecipó en a cinta de cine d'intriga Objetivo: matar (chunto a John Ireland, Lee Van Cleef y Carmen Cervera) y en 1983 en a comedia Las autonosuyas. Un anyo antes d'a suya muerte, apareixió por zaguera vegada en a cinta de terror La luna negra (1989) con Mario Adorf.
L'actor cinematografico morió lo 31 de chulio de 1990 con 74 ayos, en o Hespital Militar Gómez Ulla de Madrit, a consecuencia d'una insuficiencia hepatica como consecuencia d'una intervención quiirurchica ta extirpar-le un tumor maligno en o pancreas, una semana dinantes. Fue sepultau en Madrit.
Se veiga tamién
[editar | modificar o codigo]Vinclos externos
[editar | modificar o codigo]
Se veigan as imáchens de Commons sobre Fernando Sancho.- (en) Fernando Sancho en IMDb.
- Fernando Sancho en o Spaghetti Western Databese.
- Fernando Sancho en FlixOlé.
- Fernando Sancho Les en Historia Hispánica.
| Control d'autoridaz |
|
|---|
Datos: Q1406829- Multimedia: Fernando Sancho / Q1406829