Falco subbuteo
| Falco subbuteo | |
|---|---|
 | |
| Denominacions populars | |
ciquilín d'estiu | |
| Estau de conservación | |
| Clasificación cientifica | |
| Animalia | |
Filo: |
Chordata |
| Aves | |
| Falconiformes | |
| Falconidae | |
| Falco | |
| F. subbuteo | |
| Distribución cheografica | |
 | |
O ciquilín d'estiu[1] (nombre cientifico Falco subbuteo) ye una especie d'au d'o chenero Falco y d'a familia Falconidae.
Caracteristicas
[editar | modificar o codigo]
Ye un falcón chicot y esvelto, d'alas rematadas en punta y tan luengas que, plegadas, sobreixen d'a coda. Ista repincha au de presa mesura entre 30 y 35 cm, alto u baixo d'a mesma grandaria que un ciquilín. Como toz os falcons, tiene una serie de plumas de color negra debaixo de cada uello que contrastan con o blanco d'as meixillas. O vientre ye de color amarillenca con rayas negras verticals en os individuos chóvens y horizontals en os adultos. A parti superior d'as alas ye gris.
Atra caracteristica d'a especie en cuestión ye que as plumas de dezaga d'as garras son royas. En voliu puet pareixer una falceta por as suyas luengas alas. Masclos y fembras son muit pareixius, pero os chóvens son mas marrons que os adultos.
Historia natural
[editar | modificar o codigo]
Se puet veyer en terrenos ubiertos con arboleras, como campos de cautivo, en selvetas u mesmo en taigas y sabanas. Fa servir niedos ya feitos por atras aus, como cuervos, a on fica entre 2 y 4 uevos.
A suya extraordinaria vitesa y habilidat le permiten cazar en l'aire. A sobén lo fan de cabotarde. Entre as suyas presas trobamos morciegalos, caballez, falcetas y volandrinas. As presas chicotas pueden estar devoradas en volito.
Distribución
[editar | modificar o codigo]Se distribuye por Europa y Asia, encara que se tracta d'un au migratoria de luengas distancias y gosa pasar l'hibierno en Africa. En Espanya nomás se troba en verano. Se la puet trobar en Balears y en bellas partis d'Andalucía, Norresmenos ye irregular en Canarias.
Curiosidaz
[editar | modificar o codigo]Como curiosidat, cal ementar que i hai una serie de chuegos de mesa a os que, o suyo inventor quereba decir "Hobby" (ciquilín d'estiu, en anglés), pero no le'n permitió emplegar ixa palabra. Como resultau, l'inventor decidió rebaptizar-lo con un vocablo afín, creyando-se asinas o conoixiu chuego de fútbol Subbuteo.
O ciquilín d'estiu apareixe en o largometrache d'animación 3D Valiant , representando a os enemigos d'os palomos mensachers mientres a Segunda Guerra Mundial.
Subespecies
[editar | modificar o codigo]Se conoixen dos subespecies de Falco subbuteo:[2]
- Falco subbuteo subbuteo - Palearctico; hibernant dica Africa austral, sud d'Eurasia y Islas Mayors d'a Sonda.
- Falco subbuteo streichi - d'o sud y este de China a Birmania y norte d'Indochina.
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (en) Clements, J. F. 2007. The Clements Checklist of Birds of the World, 6th Edition. Cornell University Press. Downloadable from Cornell Lab of Ornithology
| Especies d'o chenero Falco | |
|---|---|
| F.alopex | F.amurensis | F.araeus | F.ardosiaceus | F.berigora | F.biarmicus | F.cenchroides | F.cherrug | F.chicquera | F.columbarius | F.concolor | F.cuvierii | F.deiroleucus | F.dickinsoni | F.eleonorae | F.fasciinucha | F.femoralis | F.hypoleucos | F.jugger | F.longipennis | F.mexicanus | F.moluccensis | F.naumanni | F.newtoni | F.novaeseelandiae | F.peregrinus | F.punctatus | F.rufigularis | F.rupicoloides | F.rupicolus | F.rusticolus | F.severus | F.sparverius | F.subbuteo | F.subniger | F.tinnunculus | F.vespertinus | F.zoniventris | F.fasciinucha |
| Control d'autoridaz |
|
|---|
Datos: Q25876
Multimedia: Falco subbuteo / Q25876
Especies: Falco subbuteo