Führer und Verführer

Führer und Verführer
Títol	Führer und Verführer
Póster d'a cinta.
Ficha tecnica
Dirección	Joachim A. Lang
Producción	Till Derenbach Michael Souvignier
Disenyo de producción	Pierre Pfundt
Guión orichinal	Joachim A. Lang
Musica	Michael Klaukien
Soniu	Hendrik Bleier Matteo Bohé Miroslav Gazi Karol Kuliffay Jan Ravasz Blazej Vidlicka
Fotografía	Klaus Fuxjäger
Montache	Rainer Nigrelli
Escenografía	Tomas Bakocka
Vestuario	Katarina Bielikova
Maquillache	Martin Blizniak Alice Dvorská
Efectos especials	Milan Hrvol Michal Vesely
Casting	Marc Schötteldreier
Actors	Robert Stadlober Fritz Karl Franziska Weisz Dominik Maringer Moritz Führmann Hasta Firit Christoph Franken Michael Glantschnig Katia Fellin Oliver Fleischer Martin Bermoser Wolfram Rupperti Emanuel Fellmer Johannes Rhomberg Peter Windhofer Sebastian Thiers Sascha Göpel Helene Blechinger Raphaela Möst Franziska Lindenthaler Robert Herrmanns Sophie Rabmer Rafael Nicolás Thomas Anton Alexander Diwiak
Datos y cifras
País(es)	Alemanya Eslovaquia
Anyo	2024
Estreno	4 de chulio de 2024 Festival de Cine de Múnich (Múnich, Bavera, Alemanya)
Chenero(s)	Cine historico Cine biografico
Durada	135 min.
Idioma(s)	Alemán
Companyías
Productora(s)	Zeitsprung Pictures SWR Maya Act HeadQuarter Media
Recauto	580.012 dólars
Informacions en bases de datos especializadas:

Führer und Verführer (títol orichinal en alemán, en aragonés Líder y embelecador, estrenada en Aragón con o títol en castellano d'El ministro de Propaganda, en aragonés O ministro de Propaganda) ye una cinta de cine biografico historico coproducida por o cine alemán y lo cine eslovaco estrenada en 2024, dirichida por Joachim A. Lang seguntes un guión orichinal d'él mesmo, con una banda sonora orichinal de Michael Klaukien, una dirección de fotografía de Klaus Fuxjäger, una producción cinematografica de Till Derenbach y Michael Souvignier ta las productoras Zeitsprung Pictures, SWR, Maya y Act HeadQuarter Media y un elenco d'o cual en fan parte, entre d'atros actors, Robert Stadlober, Fritz Karl, Franziska Weisz, Dominik Maringer, Moritz Führmann, Hasta Firit, Christoph Franken, Michael Glantschnig, Katia Fellin, Oliver Fleischer, Martin Bermoser, Wolfram Rupperti, Emanuel Fellmer, Johannes Rhomberg, Peter Windhofer, Sebastian Thiers, Sascha Göpel, Helene Blechinger, Raphaela Möst, Franziska Lindenthaler, Robert Herrmanns, Sophie Rabmer, Rafael Nicolás, Thomas Anton y Alexander Diwiak.

Se tracta d'una cinta centrada en a biografía de Joseph Goebbels, o ministro de Propaganda d'o Tercer Reich d'Adolf Hitler, y la suya interrelación con a cupula dirichent d'o rechimen, con a suya muller Magda y con o mundo d'o cine alemán, dende l'anyo 1937 dica lo suicidio de Hitler, Goebbels y su muller en 1945 en os zaguers momentos d'a batalla de Berlín. A cinta, que fa servir amplas secuencias de cine documental d'a epoca u de cintas d'ixe periodo, destaca lo suyo papel como intermedirio d'o nazismo con o mundo d'o cine, as suyas relacions sentimental con l'actriz checa Lída Baarová (prohibida por Hitler) y profesional con a directora Leni Riefenstahl, as suyas presions a actors alemans ta que colaborasen con o nazismo y lo suyo papel como propagandista d'o rechimen dica lo zaguer momento, en edulcorando la realidat ta en primeras presentar a lo nazismo y a lo mesmo Hitler como amants d'a paz, y dimpués ta manipular a la opinión publica alemana (y mesmo internacional) amagando las redotas d'as tropas alemanas en os frents de batalla u provocando l'antisemitismo ta que s'acceptase l'Holocausto contra los chudieus.

A cinta s'ambienta pues en os anyos previos a la Segunda Guerra Mundial y en os anyos d'a guerra (dende 1937 dica 1945) en Viena (Austria), París (Francia), Múnich (Bavera) u Berlín (Alemania), entre d'atros puestos. As suyas escenas se filmoron en localizacions en Eslovaquia.

Führer und Verführer recibió bel premio cinematografico, encara que iste no fa parte de garra premio d'os mas conoixius u destacaus.

Elenco

Actor	Papel	Notas
	'

Se veiga tamién

• Cine en 2024.
• Cintas de 2024.

Vinclos externos

• (en) Führer und Verführer en Internet Movie Database.
• (de) Führer und Verführer en Crew United.
• (de) Führer und Verführer en Lexikon des internationalen Films.

• Datos: Q124270023