Excrescencia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Tranco d'un urmo, con excrescencias.

Una excrescencia (d'alcuerdo con a fonetica de l'aragonés pronunciau /eskreˈθenθja/ (AFI), como si s'escribise "escrecencia") ye cualsiquier tipo de protuberancia que amaneixe sobre a carne, a piel u unatra superficie corporal d'os sers vivos.

As verrucas, os condilomas, os polipos y atros tipos de tumors tienen a consideración d'excrescencias.

En as plantas

En os organismos vechetals, especialment entre as plantas lenyosas, as excrescencias pueden estar consecuencia d'una ferida u d'un mal tallo en esporgar, por eixemplo por porgar-se una cantidat excesiva de lenya de o volumen total de l'árbol, que produce l'acumulación accidental de savia en bels teixius.

Bi ha especies mas propensas que atras a que se les en forme, como os caixigos, os fráixens y os urmos, por lo cual s'ha de parar cuenta cuan se poda ixos árbols. En atras especies, como en os fruitals d'o chenero Prunus, a eliminación d'una rama gran puede producir a expulsión de goma u resina, con mas frecuencia que excrescencias lignias.

Ortografía

D'alcuerdo con a Propuesta ortografica de l'Academia de l'Aragonés de 2010, que s'emplega como grafía de referencia en Biquipedia, os grupos consonanticos cultos -SC- s'han d'escribir, en coherencia con a etimolochía d'os cultismos que en lievan (anque en aragonés oral no se dan).

Referencias

• Datos: Q3061859