Evan Almighty

Evan Almighty
Títol	Evan Almighty
Ficha tecnica
Dirección	Tom Shadyac
Dirección artistica	James Nedza
Producción	Tom Shadyac Gary Barber Roger Birnbaum Neal H. Moritz Michael Bostick
Disenyo de producción	Linda DeScenna
Guión adaptau	Steve Oedekerk
Basau en	una historia de Steve Oedekerk, Joel Cohen y Alec Sokolow con os personaches creyaus por Steve Koren y Mark O'Keefe
Musica	John Debney
Fotografía	Ian Baker
Montache	Scott Hill
Escenografía	Ric McElvin
Vestuario	Judy L. Ruskin
Casting	Deborah Aquila Jennifer L. Smith Tricia Wood
Actors	Steve Carell Morgan Freeman Lauren Graham Johnny Simmons Graham Phillips Jimmy Bennett John Goodman Wanda Sykes John Michael Higgins Jonah Hill Molly Shannon Ed Helms Rachael Harris Brian Howe Harve Presnell Madison Mason Bruce Gray Paul Collins Jim Doughan Dean Norris Jon Stewart Catherine Bell Maile Flanagan Lisa Arch Simon Helberg David Barrera
Color	Panavision Technicolor
Datos y cifras
País(es)	Estaus Unius
Anyo	2007
Estreno	21 de chunio de 2007 Cazaquistán 21 de chunio de 2007 Rusia 21 de chunio de 2007 Ucraína 22 de chunio de 2007 Estaus Unius
Chenero(s)	Cine de comedia Cine de fantasía
Durada	96 min.
Idioma(s)	Anglés
Companyías
Productora(s)	Spyglass Entertainment Relativity Media Shady Acres Entertainment Original Film
Distribución	Universal Pictures
Estudio(s)	Universal Studios
Presupuesto	175 millons de dólars
Recauto	174,4 millons de dólars
Succesión de cintas
Precedida por	Bruce Almighty (2003, Tom Shadyac)
Informacions en bases de datos especializadas:

Evan Almighty (títol orichinal en anglés, en aragonés Evan totpoderoso, estrenada en Aragón con o títol en castellano de Sigo como Dios, en aragonés Contino como Dios) ye una cinta de cine estausunidense de cine de comedia fantastica estrenada l'anyo 2007, dirichida por Tom Shadyac seguntes un guión adaptau por Steve Oedekerk (basau en una historia de Steve Oedekerk, Joel Cohen y Alec Sokolow con os personaches creyaus por Steve Koren y Mark O'Keefe ta la cinta Bruce Almighty de 2003), con una banda sonora orichinal de John Debney, una dirección de fotografía de Ian Baker, una producción cinematografica de Tom Shadyac, Gary Barber, Roger Birnbaum, Neal H. Moritz y Michael Bostick ta las productoras Spyglass Entertainment, Relativity Media, Shady Acres Entertainment y Original Film, y un elenco d'o cual en fan parte, entre d'atros, os actors Steve Carell, Morgan Freeman, Lauren Graham, Johnny Simmons, Graham Phillips, Jimmy Bennett, John Goodman, Wanda Sykes, John Michael Higgins, Jonah Hill, Molly Shannon, Ed Helms, Rachael Harris, Brian Howe, Harve Presnell, Madison Mason, Bruce Gray, Paul Collins, Jim Doughan, Dean Norris, Jon Stewart, Catherine Bell, Maile Flanagan, Lisa Arch, Simon Helberg y David Barrera.

A cinta ye concebida como un "spin-off" y a la vegada precuela de Bruce Almighty (2003, Tom Shadyac), y en ella Evan Baxter ye un periodista que treballa como presentador de televisión dica que ye esleyiu como miembro d'o Congreso d'os Estaus Unius y albandona la suya ciudat natal de Buffalo ta marchar enta Washington, DC, encara que s'instala ta vivir en a localidat (ficticia) de Huntsville en Virchinia. En o suyo primer día en o Congreso, li demana aduya Chuck Long ta copatrocinar y conseguir l'aprovación d'un prochecto de lei clamau Lei d'Integración Ciudadana de Tierras Publicas. Evan ha demanau aduya a Dios ta conseguir cambiar mundo mientres o suyo mandato, y bien luego prencipian a escayecer-se sucesos extranyos: li plega la noticia de que ha mercau terrenos mugants con a suya casa (que él no ha mercau), plega enta la suya propiedat un gran cargamento de fusta, prencipian a seguir-lo de contino parellas d'animals, y finalment un hombre que diz estar Dios lo sigue tamién y se li aparixe terne que terne. A la fin, ixe hombre que diz estar Dios li encomana la construcción d'una arca ta acullir a una parella de cada animal ta salvar-los d'un nuevo diluvio universal. Bien luego los suyos companyeros d'o Congreso, os medios de comunicación, os suyos vecins y mesmo la suya familia creyen que ye barrenau, pero Evan contina con a construcción de l'arca.

A cinta s'ambienta en a suya epoca actual (2007) en Buffalo (Nueva York), en Virchinia y en Washington, DC, y las suyas escenas se filmoron en Charlottesville, Crozet, Richmond, Staunton, Waynesboro y atros puestos de Virchinia, Los Angeles y Universal City (California) y en Washington, DC, amás d'en os Universal Studios en Universal City en California.

Evan Almighty ye una cinta que ha recibiu bels premios y nominacions, encara que garra d'éls no pertenexe a la relación de premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 2007.
• Cintas de 2007.

Vinclos externos

• (en) Evan Almighty en Internet Movie Database.

• Datos: Q195949
• Multimedia: Evan Almighty / Q195949