Eusebio Bardaxí y Azara
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Eusebio Bardaxí y Azara | |
|---|---|
| |
| 18 d'otubre de 1837 – 16 d'aviento de 1837 | |
| Precediu por | Baldomero Espartero |
| Succediu por | Narciso Heredia y Begines de los Ríos |
| 18 d'agosto de 1837 – 16 d'aviento de 1837 | |
| Precediu por | José María Calatrava |
| Succediu por | Narciso Heredia y Begines de los Ríos |
| Naiximiento | 19 d'aviento de 1776 Graus, Uesca |
| Muerte | 7 de marzo de 1842 Huet, Cuenca |
| Partiu | Partiu Moderato |
| Profesión | Avogato, politico y diplomatico. |
| Alma Máter | Universidat de Zaragoza |
Eusebio Bardaxí y Azara (19 d'aviento de 1776 de Graus, Uesca - 7 de marzo de 1842 en Huet, Cuenca) estió un avogato, politico y diplomatico aragonés.
Biografía[editar | modificar o codigo]
Cursó os estudios de Dreito en Zaragoza y en o Colechio Espanyol de Sant Clemente de Bolonya. En rematar os mesmos estió destinau como que diplomatico en a mesma Bolonya, y con posterioridat en París, con su tío l'embaixador Azara, an emparó activament a o papa Pío VII, cautivo de Napoleón Bonaparte en Fontainebleau. Va contar pa iste quefer con l'emparo d'o cardenal Lorenzana.
Treballó como que secretario en a embaixada de Viena dende 1800, an mas tarde desempeñó o cargo de ministro plenipotenciario de Carlos IV. Cuan esclató a Guerra d'o Francés, tornó ta Espanya y formó parte d'as Corz de Cádiz, como que primer secretario d'as mesmas. Ocupó con caracter d'interinidat a Secretaría d'a Guerra y de Hicienda pa estar destinau posteriorment a Lisbona y dimpués a la corte de Sant Petersburgo como que ninviau extraordinario amán d'o Zar, si bien no plegó a exercer tal cargo.
Con Ferrando VII en o trono tornó a la corrida diplomatica, estando destinau a las embaixadas en Lucca, Londres y París.
De tornada ta Espanya, se fació cargo d'a Secretaría d'Estau en o gubierno liberal (4 de marzo de 1821-8 de chinero de 1822). En restaurar-se l'absolutismo, estió forachitau a Huet (Cuenca).
Dimpués pasó a formar parte d'o clamau Estamento de Próceres creyau por l'Estatuto de Martínez de la Rosa; desapareixiu iste estamiento, estió designato como que Senador por a provincia de Cuenca. Estió ministro d'Estau dende o 18 d'agosto dica o 16 d'aviento de 1837 y President d'o Consello de Ministros dende o 18 d'octubre dica o 16 d'aviento de 1837, dimpués d'o cual se retiró d'a politica.