Estor

Un estor^[1] (d'o francés store) ye una mena de cortina de tela fina que permite o paso d'a luz de forma veilada, existindo tamién atros que no empachan de veyer-ie totalment a traviés d'éls. Se confeccionan con teixius translucidos u transparents seguntes o caso, estando os mas habituals os de filo y os de lino.^[2]

Os estors se meten a sobén combinaus con cortinas emplegando istas zagueras cuan cal total intimidat u absencia de luz y os estors en a resta de situacions.

Os estors por un regular se plegan (u bien se rollan) en sentiu vertical, actuaus a traviés d'uns cordons que penchan d'un costau. I hai diferents sistemas por os que se pueden instalar:

Riel. S'aganchan a diferents rodaduras que corren sobre un riel. O primer d'éls se mueve en tirar d'un cordón rocegando en o suyo movimiento a la resta.
Barra redonda. O estor s'une a unas rollanas que actuan mesas en una barra sobre a cuala corren. Se mueven con a man u a traviés d'una vareta richida que va cosida a la tela.
Vareta de finestra. S'unen a una vareta que va fixada dreitament a una finestra.^[3]

Tamién i hai atros sistemas como os estors fixos que cubren totalment u parcial as finestras y as galerías decorativas de fusta que ocultan os mecanismos d'a cortina.