Estato d'a materia

De Biquipedia
Ir ta: navego, busca
Iste diagrama amostra la nomenclatura ta las diferents transicions entre fases.

Os estatos d'a materia son as distintas formas u diferents fases que puede tener a materia. Historicament, a distinción se feba basando-se en as propiedatz qualitativas. Asinas o solido ye o estato en que a materia mantiene un volumen y forma fixa; o liquido ye o estato en que a materia mantiene un bolumen fixo, pero s'adapta a la forma d'o suyo contenedor; y o gas ye o estato en que a materia s'espande y ocupa qualsiquier volumen disponible.

Autualment as distincions entre estatos se fan basando-se en diferencias entre as interrelacions moleculars. O solido ye o estato en o que as atraccions intermoleculars fan que as distancias entre moleculas sían fixas. O liquido ye o estato en que as atracions intermoleculars mantienen a las moleculas amanatas, con unas distancias entre ellas quasi invariants, pero premiten que istas se muevan. O gas ye o estato en que as moleculas son prou deseparatas y as relacions intermoleculars tienen un chicot efecto en os suyos movimientos. O plasma ye un gas muit ionizato, lo que ocurre a altas temperaturas. As fuerzas intermoleculars creyatas por atraccions y repulsions ionicas dan a istas composicions diferents propiedatz, ye por ixo que o plasma se describe como lo quatreno estato d'a materia.