Estamen
O estamen[1][nota 1] u estambre[1] d'a flor ye una fuella modificata on bi ha sacos polinicos, sacos on s'orichinan os grans de polen. En aragonés medieval se deciba estamne (escrito stampne) y viene d'o latín stamen ("filos luengos d'o vellón de lana").
En as chimnospermas os estambres son plans u laminars y gosan tener dos sacos polinicos.
En as anchiospermas os estambres tienen un filamento, y en o suyo cabo una voleta clamata "antera". En as bases d'ixos filamentos bi ha muitos organos produtors de nectar (necteras florals), con a función que os insectos que viengan a beber-ne esdeviengan empastratos con o polen y lis ne pasen ta atras flors polinizando-las. O conchunto d'estambres forma l'androceu.
Notas
[editar | modificar o codigo]- ↑ Con a variant estame
Referencias
[editar | modificar o codigo]- ↑ 1,0 1,1 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
| Control d'autoridaz |
|
|---|
