Estadio de Torrero

De Biquipedia
Ir a la navegación Ir a la búsqueda
Torrero
Campo municipal de Torrero.jpg
Campo de Torrero en 1928
Datos chenerals
Nombre oficial Estadio de Torrero
Situación C/ Lasierra Purroy
Flag of Aragon.svg Zaragoza, Aragón
Construcción
Debantadera 7 d'octubre de 1923
Datos tecnicos
Superficie Hierba natural
Aforo 8.000 presonas
Utilización
Propiedat de Iberia SC
Real Zaragoza
Equipe local 600px Giallo scuro e Nero (Strisce).png Iberia SC
600px Colori di Saragozza.png Real Zaragoza

O estadio de Torrero yera un estadio de fútbol de Zaragoza, situau en o barrio de Torrero. Estió o campo a on chugó o Iberia SC y dimpués o Real Zaragoza dica l'anyo 1957.

Historia[editar | editar código]

A devantadera d'o estadio de Torrero se fació con un partito entre o Iberia SC y l'Osasuna o 7 d'octubre de 1923[1] con resultau de 1-4 ta o equipe navarro.[2]

En a suya epoca estió un d'os estadios mas importants d'Espanya fueras d'os terrenos de chuego que se trobaban en os vecins País Vasco y Catalunya.[3] Con una capacidat de 8.000 espectadors estió seu d'a final de Copa de 1937 y d'un partiu internacional d'a Selección espanyola de fútbol o 14 d'abril de 1929 contra Francia.

En os primers anyos, dende a suya devantadera en 1923 dica l'anyo 1932 con o naiximiento d'o Zaragoza FC, estió o campo a on chugó como local o Iberia SC, o equipe mas important d'Aragón. Por ixas envueltas o estadio teneba quatre gradas, una en cada canto. Ya en o verano de l'anyo 1943 o Zaragoza FC enampló as gradas norte, este y ueste ta plegar a un aforo de 15.020 espectadors.

L'11 de setiembre de 1949, en o primer partiu d'a tornada d'o Zaragoza FC enta a Segunda Division, bi habió un accident en o estadio espaldando-se parti d'a grada este debiu a la plevia. Morió un espectador y atros siet fuoron ferius. en rematar a temporada s'apanyó y enampló a grada este, plegando o estadio dica una capacidat de 20.000 espectadors.

A temporada 1956/57 estió a zaguera d'o ya Real Zaragoza en Torrero, puyando dende a Segunda enta a Primera división. O zaguer partiu chugau en o estadio estió un partiu de Copa o 28 d'abril de 1957 contra a Real Sociedad que remató en empatz.

O estadio pasó a estar propiedat d'o Concello de Zaragoza dica os anyos 1970, quan prencipioron a vender-se as parcelas que ocupaba, desapareixendo de tot en primerías d'a decada de 1990. Actualment en o mesmo puesto bi ha casas y una biblioteca municipal.

Referencias[editar | editar código]