Venda de l'Olivar

De Biquipedia
Venda de l'Olivar
Venta del Olivar
Barrio rural de Zaragoza

Restaurant El Cachirulo
Entidat
 • País
 • Ciudat
Barrio rural
Aragón
Zaragoza
Superficie
 • Total
Pos. 11
9,23 km²
Población
 • Total (2018)
Pos. 10
971[1] hab.
Codigo postal 50071
Nº distrito 10

A Venda de l'Olivar (en castellano Venta del Olivar) ye un barrio rural situato a l'ueste de Zaragoza (Districto rural).

Incluye as urbanizacions de Sant Lamberto, El Alcorce, El Cerezal, Maitena, Torre Barajas y Valles Verdes.

Descripción[editar | modificar o codigo]

A suya actividad tradicional estió l'agricultura. En as zagueras decadas se creyoron cuantos poligonos industrials arredol d'a carretera de Logronyo.

En l'actualidat, a suya actividad economica ye muit variada: d'una man a o largo d'a Carretera de Logronyo bi ha cuantos poligonos industrials. D'atra, estendillaus por o barrio bi ha tabiernas y restaurants, colechios y una botica. Antimás, una chicota parti d'a suya población contina treballando en l'actividat agricola.

A suya población se distribuye entre as debantditas urbanizacions, un centro urbán y torres. En ista zona se diz "torre" a las parcelas que se composan de terrenos de cautivo de superficie variable y d'una casa y posiblement bels almadacens, que son centro de l'actividat agricola d'os terrenos de cautivo que fan parti d'a finca.

Actualment, seguntes o Plan Cheneral d'Ordenación Urbana de Zaragoza, a mayor parti d'o terreno de Venda de l'Olivar ye clasificau como "No Urbanizable Especial, de Regano Alto".

As fiestas Patronals de Venda de l'Olivar son o 15 d'agosto en honor a la Virchen de l'Asunción. A parroquia d'o barrio ye adedicada a Nuestra Sinyora de Loreto.

Poligonos industrials[editar | modificar o codigo]

En o barrio se troban os siguients poligonos industrials:

  • Polígono El Portazgo.
  • Parque Empresarial Quattro (Antigua Asociación Cima) en a carretera N-232, km. 3,3.
  • Parque Empresarial Montemolín en a carretera N-232, km. 3,4.
  • Parque Empresarial Europa I en a carretera N-232, km. 3,7.
  • Parque Empresarial Vista Bella en a carretera N-232, km. 4.
  • Parque Empresarial San Valero en a carretera N-232, km. 4,8.
  • Parque Empresarial El Olivar.

Referencias[editar | modificar o codigo]



 
Districto rural de Zaragoza
Bandera de Zaragoza
1. Cartuixa Baixa | 2. Torreciella de Val Madriz | 3. Chuslivol-El Zorongo | 4. Sant Chuan de Mozarrifar | 5. Montanyana | 6. Sant Gregorio | 7. Penyaflor | 8. Movera | 9. Garrapiniellos | 10. Venda de l'Olivar | 11. Monzalbarba | 12. Villarrapa | 13. Alfoceya | 14. Casetas