Paseyo de Sagasta

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Paseyo de Sagasta

Ciudat Zaragoza
Districto Centro
Prencipia Plaza de Basilio Paraíso
Remata Paseo de Cuellar
Nombre antigo Camín de Torrero
General Mola

O Paseyo de Sagasta ye una d'as prencipals avenitas d'o centro de Zaragoza.

L'orichen de l'actual paseyo estió lo camín que'n puyaba ta Torrero, dende a Puerta de Santa Engracia cruzando la Uerba. Dezaga os Setios a ciudat prencipió a espardir-se por o camín de Torrero. En ista epoca bi heba prencipalment torres de recreyo arredol d'o río y bella instalación industrial chicota. A burguesía zaragozana s'establió en ista zona d'a ciudat y tamién en o sieglo XIX s'establioron dos importants centros educativos, o colechio d'o Salvador d'os chesuitas y o colechio d'o Sagrato Corazón.

Ya en 1900 s'aprobó lo primer prochecto d'urbanización d'o Paseyo, planificau por Ricardo Magdalena, allora encara camín de Torrero y se construyeron a-saber-los edificios y chalez modernistas en a zona destacando a casa Juncosa (Sagasta nº11) disenyata en 1903 por José de Yarza Echenique, a casa Retuerta (Sagasta nº13) de Juan Francisco Gómez Pulido prochectata en 1904, a casa de viviendas d'o nº17 de 1903 de l'arquitecto Félix Navarro Pérez, a Casa Corsini (Sagasta nº19) de l'anyo 1904 y tamién de Juan Francisco Gómez Pulido, y a Casa Palao de l'anyo 1912 disenyata por Miguel Ángel Navarro Pérez.

Mas tardi en 1936 se construyó tamién a seu d'a Confederación Hidrografica de l'Ebro en o nº24 d'o paseyo, obra de Regino y José Borobio.

Mientres a dictadura de Francisco Franco se deciba Paseo del General Mola ("Paseyo d'o Cheneral Mola").